زانکۆیا پۆلیتەکنیکى یا دهۆک خولەکا کارگێری بۆ فەرمانبەرێن کومسیونێ ب دوویماهک ئینا
زانکۆیا پۆلیتەکنیکى یا دهۆک خولەکا کارگێری بۆ فەرمانبەرێن کومسیونێ ب دوویماهک ئینا
پشتی بۆ دەمێ هەیڤەکێ فەرمانبەرێن کومسیونا بلند یا سەربەخۆیا هەلبژارتنا/نڤیسینگەها دهوك بپشکداری خولەکا کارگێری بووین ئەڤرو باوەرنامێن دەرچوونێ وەرگرتن.
ل رۆژا سێ شەمبی رێکەفتی 23ـێ 1ـێ 2023 ـێ ب ئامادەبوونا پ. د. ئاری عادل عەبدولقادر، سەرۆکا زانکۆیا پولیتەکنیکی یا دهوك و خالد عەباس عومەر رێڤەبەرێ کومسیونا بلند یا سەربەخۆیا هەلبژارتنا/ نڤیسینگەها دهوك دگەل هژمارەکا ماموستا و فەرمانبەران باوەرنامێن دەرچوونێ پێشکێشی دەرچووێن خولێن کارگێری یێن فەرمانبەرێن کومسیونێ هاتنە کرن.
ل دەستپێکێ پ. د. ئاری محەمەد عەلی، راگرێ کولیژا تەکنیکی کارگێری دهوك ب ناڤێ سەرۆکاتیا زانکۆیێ پەیڤەك پێشکێش کر و دیار کر: پشتی کو هەماهەنگی دناڤبەرا کۆمسیونا بلند یا سەربەخۆیا هەلبژارتنا/ نڤیسینگەها دهوك دگەل سەرۆکاتیا زانکۆیا پولیتەکنیکی یا دهوك هاتیە کرن هژمارەکا فەرمانبەرێن وان دناڤەندەکا ئەکادیمی دا خولێن کارگێری وەرگرتن ، وانەیێن خولێ ژلایێ هژمارەکا پرۆفیسسور و دکتور و ماموستایێن کولیژ و پەیمانگەها تەکنیکی کارگێری دهوك ڤە دهاتنە گوتن. دیار کر ژی: ئەڤ خولە لسەر سێ ئاستێن کارگێری هاتبوو دابەش کرن کو بۆ دەمێ هەیڤەکێ بەردەوام بوو. و 35 فەرمانبەرێن کومسیونێ پشکدار ببون. و ژلایێ خوڤە، خالد عەباس عومەر، رێڤەبەرێ کومسیونا بلند یا سەربەخۆیا هەلبژارتنا/ نڤیسینگەها دهوك ئاشکرا کر: پشکداربوونا فەرمانبەرێن کومسیونێ د خولێن زانستی و کارگێری د ناڤەندێن ئەکادیمی دا دبیتە ئەگەرێ بلندکرنا شیانێن فەرمانبەران کو ژلایێ کەسێن بسپور و تایبەتمەندڤە وانەیێن کارگێری دهێنە پێشکێشکرن، گوت ژی: زانکۆیا پۆلیتەکنیکی یا دهۆك رولەکێ باش هەبوویە د پێشڤەبرنا زانستی دا و بناڤێ کومسیونێ و فەرمانبەران سوپاسیا سەرۆکاتیا زانکۆیێ و ماموستا و لژنەیا خولێ دکەم کو شیان بسەرکەفتیانە خولێ دوماهیك بینن.