شاندێ زانکۆیا پۆلیتەکنیکی یا دهۆک پشکداری د پروژێ APPRAIS دا کر
شاندێ زانکۆیا پۆلیتەکنیکی یا دهۆک پشکداری د پروژێ APPRAIS دا کر
شاندێ زانکۆیا پۆلیتەکنیکی یا دهۆک ئەوێ پێک هاتی ژ (پ. هـ. د. مسعود عبدالکریم) راگرێ کولیژ و پەیمانگەها تەکنیکی و وپزیشکی شێخان، (د. دلدار فرزندە) راگرێ کولیژا تەکنیکی ئاکرێ، (پ. هـ. د. نوزت صادق احمد)رێڤەبەرێ تومارا گشتی ل زانکۆیێ و(د. شیروان مصطفی سیف الدین) ڕێڤەبەرێ ڕێڤەبەریا پەیوەندیێن نێڤدەولەتی، پشکداری د پڕۆژێ (APPRAIS) دا کر ئەوێ پالپشتى یا رێکخراوا UNIMED دهێتە برێڤەبرن،
شاندێ زانکویا پولیتەکنیکی یا دهوک سەرەدانا وەلاتێ ئیتالیا و ئیسپانیا دا کر ژبو مەرەما پشکداری کرن د کومبوونێن پروژێ ( APPRAIS ) یێ پروگرامێ +Erasmus.
ل روژێن ١٦-١٧ /١/ ٢٠٢٣ شاندێ زانکویا پولیتەکنیکی یا دهوک بەژداری د پروژێ ( APPRAIS ) دا کر ل زانکویا (UNINT)، ل پایتەختێ وەلاتێ ئیتالیا (روما) ب هەفکاری دگەل نینەرێن حەفت زانکویێن دی یێن هەرێما کوردستانێ و چار زانکویێن ئەوروپی دگەل شاندێ وەزارەتا خاندنا بلند، مەرەم د ڤێ سەردانێ ژبو راهینان و سودمەندن ژ ئەزمونا وان یێ زانستی و ناف دەولەتی کرنا زانکویێ و چەوانیا رێڤەبرنا و موکم کرنا پەیوەندیا دناڤ بەرا زانکویان دا.
ل روژێن ١٩-٢٠ /١/ ٢٠٢٣ شاندێ زانکویێ سەرەدانا زانکویا ( Murcia) ل وەلاتێ ئیسپانیا کر ژبو وەرگرتنا ئەزمونا وان ل سەر سەرەدەری دگەل قوتابیێن ناف دەولەتی هەر وەسا چەوانیا جێ بەجێ کرنا سیستەمی بولونا و دانانا سیستەمێن هنارتنا قوتابیان و ماموستایان بو دەرڤەی وەلاتی و وەرگرتنا قوتابیێن بيانی و ماموستایێن بیانی .
د ئەڤ سالەدا وەزارەتا خواندنا بلند و ڤەکولینێن زانستی دگەل هەشت زانکۆیێن هەرێما کوردستانێ و چوار زانکۆیێن ئوروپی پشکداری دئەڤی پروژەی دا کریە ئەوێ ژلایێ ئێکەتیا ئوروپی ڤە هاتیە بەرهەڤکرن.