ئێکەم كومبونا ئەنجامدانا کونفرانسێ پزیشکی هاتە ئەنجامدان
ئێکەم كومبونا ئەنجامدانا کونفرانسێ پزیشکی هاتە ئەنجامدان
ب مەرەما لێکگوهارتنا پێزانین و زانیاریێن زانستی دناڤبەرا ڤەکولەرێن جیهانی و دەرڤە و ناخوی و هایداربوون ل سەر نویترین ئالاڤیێن تەکنولوجیێن زانستێن تەندروستی و پزیشکی و لێگەریانا ئامرازێن دیارکرن و چارەیێن نمونە بۆ چارەسەریێن نەخوشیان، ئەڤرو روژا چوار شەمبى و رێککەفتى 11\1\2023 و ب سەرپەرشتیا (پ. هـ. د. مسعود عبدالکریم) راگرێ کولیژ و پەیمانگەها تەکنیکی تەندوستی و پزیشکی شێخان و ب ئامادەبونا ئەندامێن لیژنێن ئامادەکار ، راگەهاندن و دارایی کومبونا ئێکێ یا رێڤەبرنا کاروبارێن کونفرانسێ هەڤپشکێ زانستیێ نێڤدەولەتی ل سەرۆکاتیا زانکۆیێ هاتە ئەنجامدان
د ئەڤێ دروینشتنێ دا 15 خالێن جورا و جور هاتنە پشنیازکرن کو تایبەت بوون ب هەر پێنج تەوەرێن کونفرانسی ڤە ئەوێن ژ(تەکنولوجیا تاقیگەهێن نوژداری، تەکنولوجیا تەندوستیا جڤاکی، تەکنولوجیا نەخوشەڤانی، تەکنولوجیا دەرمانسازی و چارەسەری، تەکنولوجیا دیارکرن و چارەسەرکرنێ)پێک دهێن.
دهێتە زانین// ئەڤ کونفرانسە دێ ل ژێر دروشمێ (بزانستێن تەکنولوجیێن پزیشکی و بایولوجی دێ ئاستێ جڤاکی بلند کەین)بیت کو کولیژا تەکنیکی و پزیشکی شێخان وپەیمانگەها تەکنیکی شێخان و پەیمانگەها تەکنیکی کوڤە، دێ ب سەرپەرشتیا (پ. د. ئاری عادل) سەرۆکا زانکۆیا زانکۆیا پۆلیتەکنیکی یا دهۆک و (پ. د. مظفر صادق الزهیری) سەرۆکێ زانکۆیا (الفرات الاوسط) کونفرانسێ زانستیێ نێڤدەولەتی سێ یێ ل دور تەکنولوجیا پزیشکی و بیولوجی ل رێککەفتی 8-9 ئادارا 2023 ل پارێزگەها دهۆکێ ب پشتەڤانیا کومپانیا (طریق الافق) ئەنجامدەن