روژا ئالایێ كوردستانێ ل په‌یمانگه‌ها ته‌كنیكى یا ئامێدیێ هاته ساخكرن
ئه‌ڤرۆ روژا ئێك شه‌مبى رێكه‌فتى 18-12-2022 ل په‌یمانگه‌ها ته‌كنیكى یا ئامێدیێ رۆژا ئالایێ كوردستانێ بلند هاته راگرتن و پیروزكرن، ساخكرنا روژا ئالايێ كوردستانێ ب ئاماده‌بوون و سه‌رپه‌رشتیا هاریكارێ راگرى م.بناردگه‌ل ماموستا و فه‌رمانبه‌ر و قوتابیێن په‌یمانگه‌ها ته‌كنیكى یا ئامێدیێ، هاته زينديكرن و بلند هاته راگرتن، پشتى بلندكرنا ئالایێ كوردستانێ ل گوره‌پانا په‌يمانگه‌ها ته‌كنيكى يا ئاميديێ، ئالايێن به‌رسينگان ب سه‌ر ماموستا و فه‌رمانبه‌ر و قوتابيێن په‌يمانگه‌هێ هاتنه دابه‌شكرن، پاشان قوتابيان ب گێرانا ئاهه‌نگ و ديلان و داوه‌تان خوشحاليا خو ب ساخكرنا ڤێ روژێ ده‌ربرين.
هه‌ژى گوتنێ یه كو روژا 17/12 وه‌ك روژا ئالایێ كوردستانێ ب فه‌رمى ژ لایێ په‌رله‌مانێ كوردستانێ ڤه هاتیه دیاركرن، هه‌مى سالان ئه‌ڤ روژه ل هه‌مى دام و ده‌زگه‌هێن حكومى و حزبى یێن هه‌رێمێ و هه‌روه‌سا ل گه‌له‌ك ناڤه‌ند و جهێن گشتى ل ده‌رڤه‌ى هه‌رێمێ ژى دهێته ساخكرن و ئالایێ كوردستانێ دهێته بلندكرن و چه‌ندین چالاكى بڤێ هه‌لكه‌فتێ دهێنه گێران.
لێ ئه‌ڤ ساله ژبه‌ركو روژا 17/12 كه‌فتبوو د روژا شه‌مبى دا و بهێنڤه‌دانا فه‌رمى يا په‌يمانگه‌هێ بوو له‌ورا ئه‌ڤرو روژا ئێك شه‌مبى 18/12 ئه‌ڤ روژه هاته ساخكرن و پيروزكرن.
هه‌ر به‌رز و بلندبیت ئالایێ كوردستانێ.
راگه‌هاندنا په‌یمانگه‌هێ