پیشانگەها دراڤێن کەڤن ل زانکویا پولیتەکنیکى یا دهوک هاتە ڤەکرن


دەزگەهێ روانگە سەنتەرێ پێشکێشکرنا خزمەتێن یاسایى و جڤاکى ب هەڤکارى ل گەل چالاکڤان (سعود مستو نجم) رێڤەبەرێ خیڤەتگەها (کەبەرتوک ئێک) ئەڤرو ل30/1/2018 و لدەمژمێر 11 سپێدێ رابو ب ڤەکرنا پیشانگەها (دراڤێن کەڤن) ل سەروکاتیا زانکویا پولیتەکنیکى یا دهوک.

 سعود مستو نجم گۆت: ئەڤ پارێ کەڤن ب رێکا پوستە و گەهاندنێ من بدەستخوڤە ئینایە و من پەیوەندى ل گەل پتر ژ ٤٠ دەولەتا هەبو، هەروەسا ب رێکا هەڤالا و رادیویا کو من هەڤناسین دگەل هەبو پارێ ٨٠ دەولەتا هەم کاغەز و هەم ئاسن و پولێ پتر 100 دەولەتان من بدەستخوڤە ئینایە.

سعود گۆتژی: من ل سالا ١٩٩٣ دەست ب خرڤەکرنا پارێ کەڤن کریەو یەکەم پیشانگە ل سەر ئاستێ کوردستانێ ل سالا ٢٠٠٩ من ڤەکر بوو و ئەڤە پیشانگەها من یا دویێ یە کو ٢٥ تابلو ب شێوەیەکێ هونەرى یێ گەلەک جوان نیشان داینە ب هاریکاریا ماموستایەکێ هونەرى، لێ یا نەخوش بو من ئەوە کو بتنێ مروڤ دراڤێ کوردى و دەولەتا کوردى تێدا نابینیت.

لدور مەرەما ڤەکرنا ڤێ پیشانگەهێ سعود گۆت: مەرەما من ئەوە ئەز نیشا نفشێ نوو بدەم کو ئارەزویێن تایبەت لدەف هەر کەسەکى هەنە و د جوراو جورن و وان هان بدەم کو ئەوژى دشیێن ئارەزویێت خو بجه بینن بو نمونە ئێک ژ ئارەزویێت من کومکرنا پولا و دراڤێ کەڤن بو.

رێڤەبەرا سەنتەرێ پێشکێشکرنا خزمەتێن ياسايى و جڤاکى دەزگەهێ روانگە ل کەمپا کەبەرتو ئاڤیڤان نەجمان رەشید گۆت:

مە هندەک سەنتەرێن جڤاکى دناڤ کەمپادا هەنە و خزمەتێت یاسایى و جڤاکى و ڤەکرنا خولا و چالاکیێن هونەرى و وەرزشى و جڤاکى پێشکێشى وان دكەين هەر کەسەکێ پروژەک یان هزرەک و بەهرەیەک هەبیت ئەم پشتەڤانیێ بو دکەین دناڤ کەمپێ دا کو ژبەرکو هندەک کەس هەنە دناڤ کەمپێ هند جورئەت نینە کا دێ چاوا پروژێ خو پێش ئێخن لەوما مە ڤیا گرێدانەکێ چێکەین کو ئەڤ چالاکیە ببیتە پالدەرەک بو ڤان كەسێن ئاوارە.

© Copyright Duhok Polytechnic University (DPU) - All Rights Reserved

Website Admin: Sarbast Ali