هه‌وه‌كا خوين به‌خشينێ ل په‌يمانگه‌ها ته‌كنيكى يا ئامێديێ ده‌ستپێكر
ئه‌ڤرو روژا پێنج شه‌مبى رێكه‌فتى 5/1/2023 په‌يمانگه‌ها ته‌كنيكى يا ئامێديێ ب هه‌ڤكاريا به‌نكا خوينێ ل نه‌خوشخانا ئامێديێ هه‌وه‌كا خوين به‌خشينێ ل په‌يمانگه‌هێ ده‌ستپێكر
ئه‌ڤ هه‌وا خوين به‌خشينێ ژ لايێ بنكا ته‌ندروستى يا په‌يمانگه‌هێ و نه‌خوشخانا ئامێديێ هاتيه رێكخستن، دڤێ هه‌وێ دا راگرێ په‌يمانگه‌هێ و هاريكارێ راگرى و هه‌ژماره‌كا زوور ژ ماموستا و فه‌رمانبه‌ر و قوتابيێن په‌يمانگه‌هێ به‌شدارى تێدا كر، ئه‌و كه‌سێن كو خوينا وان هه‌يه و د شياندابيت خوينا خو بده‌ن پشتى فه‌حسكرنێ، خوينا خوو به‌خشى بو نه‌خوشخانا ئامێديێ.
ئه‌ڤه د ده‌مه‌كيدايه كو به‌نكا خوينێ ل نه‌خوشخانا ئامێديێ پێدڤى ب خوينێ هه‌يه، له‌ورا ئه‌ڤ هه‌وا خوين به‌خشينێ يا ل په‌يمانگه‌ها ته‌كنيكى يا ئامێديێ هاتيه كرن دێ بيته هاريكارى و پشته‌ڤانيه‌ك بو به‌نكا خوينێ ل نه‌خوشخانا ئامێديێ و وان كه‌سێن پێدڤى ب خوينێ هه‌ى. هه‌روه‌سا ده‌رگه‌هه‌كه كو فه‌رمانگه‌هێن دى يێن ئامێديێ و خه‌لكێ ديژى چاڤ ل په‌يمانگه‌هێ بكه‌ن و خوينا خوو ببه‌خشن بو هاريكاريا نه‌خوش و خه‌لكێ پێدڤى ب خوينێ، د هه‌مان ده‌مدا پشته‌ڤانى و هاريكاريه‌كه بو كه‌رتێ ته‌ندروستى و به‌نكا خوينێ ل نه‌خوشخانا ئامێديێ.
#راگه‌هاندنا_په‌يمانگه‌هێ