دانوستاندنه‌ك ل دوور پرس و پێداويستيێن قه‌زا ئامێديێ ل په‌يمانگه‌هێ بڕێڤه‌چوو
ئه‌ڤرو روژا پێنج شه‌مبى رێكه‌فتى 8/12/2022 په‌يمانگه‌ها ته‌كنيكى يا ئامێديێ ب هه‌ماهه‌نگى دگه‌ل رێكخراوا ستێپ بو ديموكراسى و هه‌لبژاردنان و رێكخراوا ده‌ريا بو گه‌شه‌پێدانا ئافره‌ت و كومه‌لێ، ل ئاڤاهيێ په‌يمانگه‌هێ، دانوستاندنه‌ك ل دوور پرس و پێداويستيێن قه‌زا ئامێديێ رێكخست.
د دانوستاندنێ دا كو د.هكار زكى راگرێ په‌يمانگه‌ها ته‌كنيكى يا ئامێديێ و سربست مصطفا به‌رپرسێ رێكخراوا ستێپ بو ديموكراسى و هه‌لبژاردنان و ژماره‌يه‌ك ژ كه‌سايه‌تى و رێڤه‌به‌رێن تايبه‌تمه‌ند يێن قه‌زا ئامێديێ و رێكخراوێن بيانى و ناڤخويى ئاماده‌بوون، ب تێرو ته‌سه‌لى به‌حس ل هه‌مى پرس و ئاريشه و كێماسى و پێداويستيێن قه‌زا ئامێديێ هاته كرن، گه‌نگه‌شه ل سه‌ر وان كار و پروژه‌يان هاته كرن كو گرنگ و پێويستن ل ده‌ڤه‌را ئامێديێ بهێنه جێبجێكرن، ژبو په‌ره‌پێدان و پێشخستنا ده‌ڤه‌رێ ژ هه‌مى روويان ڤه، هه‌روه‌سا به‌حسا چاوانى و چاره‌سه‌ركرنا ئاريشه و كێماسيێن ده‌ڤه‌رێ ژى هاته كرن كا ب چ ئاوا بهێنه چاره‌سه‌ركرن و چ بهێته كرن داكو رێكخراوێن ناڤخويى و بيانى پتر به‌رێ خو بده‌نه ده‌ڤه‌رێ و ل ڤێره كاربكه‌ن.