کۆمبوونەکا هەڤپشک د ناڤبەرا هەر سێ زانکۆیێن حکومی یێن دهۆکێ دا هاتە ئەنجامدان


2022-12-06 12:19:03

کۆمبوونەکا هەڤپشک د ناڤبەرا هەر سێ زانکۆیێن حکومی یێن دهۆکێ دا هاتە ئەنجامدان

ئەڤرۆ رێککەفتی 6\12\2022 ل دەمژمێر 10:00 سپێدێ سەرۆکا زانكۆيا پۆليته‌كنيكى يا دهۆك پ. د. ئارى عادل ل سەرۆکاتیا زانکۆیێ پێشوازیا هەر ئێک ژ پ. هـ. د. داود سلێمان ئەتروشى سەرۆکێ زانکۆیا دهۆک و شاندێ دگەل دا، و پ د. ناظم جەقسی سەرۆکێ زانکۆیا زاخۆ و شاندێ دگەل دا کر

ب مەرەما رێکخستن و ئێک گرتنا کاروبارێن زانستى و کارگێرى و دارایى و کاروبارێن قوتابیان هەر سێ سەرۆک زانکۆیێن حکۆمى یێن پارێزگەها دهۆکێ و هاریکارێن سەرۆکێن زانکۆیا پۆلیتەکنیکى یا دهۆک و زانکۆیا دهۆک و زانکۆیا زاخۆ ل سەروکاتیا زانکۆیا پۆلیتەکنیکى یا دهۆک کۆمبوون و دروینشتنەکێ دا هەر سێ سەرۆک زانکۆیان دانوستاند و گەنگەشە ل سەر چەندین بابەتێن گرێدایى ب هەر سێ زانکۆیان ڤە کر.

ژ لایێ خۆ ڤە پ. د. ئارى عادل سەرۆکا زانکۆیا پۆلیتەکنیکى یا دهۆک بخێرهاتنا هەر سێ سەرۆک زانکۆیان و شاندێن دگەل دا کر و پیروزباهیا هەر ئێک ژ هاریکارێ سەرۆکێ زانکۆیا دهۆک بۆ کاروبارێن زانستى و کارگێرى و دارایى و قوتابیان کر ب مەرەما وەرگرتنا ئەرکێ وان یێ نوى ل سەرۆکاتیا زانکۆیا دهۆک و هەروەسا ئەف کومبونە ب گرنگ و دیروکى بۆ زانکۆیێن پارێزگەها دهۆکێ دا دیارکرن و ئاماژە ب وێ چەندێ کر کو خزمەتکرنا هەر سێ زانکۆیان پێخەمەت خزمەتکرنا جڤاکى و پارێزگەها دهۆکێ بیت و کارکرن بو نافێ دهۆکێ و دەڤەرى بیت و رولێ زانکۆیا دهۆک وەک زانکۆیا دایک ل دەڤەرێ ب گرنگ دا دیارکرن

ژ لایێ خۆ ڤە پ. هـ. د. داود سلێمان ئەتروشى سەرۆکێ زانکۆیا دهۆک، سوپاسیا سەرۆکا زانکۆیا پۆلیتەکنیکى یا دهۆک کر بۆ پێشوازیا وێ یا گەرم، هەروەسا ئەڤ کۆمبوونە ب گرنک دا دیارکرن و تەکەزى ل سەر کارێن هەڤپشک و خزمەتکرنا جڤاکى هاتە کرن و ئاماژە ب وێ چەندێ ژى کر کو زانکۆ جهێ هزرایە و دەبیت هەر زانکۆیەک ل دویڤ تایبەتمەندیا خو کاربکەت و زانکۆیێن دى ژى هەڤکارو هەڤپشک بن بۆ خزمەتکرنا پارێزگەها دهۆکێ.

ژ لایێ خۆ ڤە (پ. د. ناظم جەقسی) سەرۆکێ زانکۆیا زاخۆ سوپاسیا سەرۆکا زانکۆیا پۆلیتەکنیکى یا دهۆک کر بۆ پێشوازیا وێ یا گەرم، و دەرگەهێ دانوستاندنێ و گەنگەشەکرنێ بۆ کاروبارێن زانستى و کارگێرى و دارایى و قوتابیان ڤە کر ، و گەنگەشە و دانوستاندن ل سەر چەندین تەوەر و بابەتێن گرنگ هاتە کرن و هەر ئێک ژ هاریکارێن سەرۆک زانکۆیێن پۆلیتەکنیکى یا دهۆک و دهۆک و زاخو بۆ کاروبارێن زانستى و کارگێرى و دارایى و قوتابیان تێبینى و دیتن و بۆچوونێن خۆ دانە دیارکرن پێخەمەت باشتر برێڤەبرن و رێکخستن و ئێک گرتنا کاروبار و بریارێن هەر سێ زانکۆیان.

دهێتە چاڤەرێکرن ئەڤ کۆمبوونە دناڤبەرا هەر سێ زانکۆیان دا دبەردەوام بن و د ئایندەکێ نێزیک دا دگەل دام و دەزگەهێن پەیوەندیدار ب کاروبارێن زانکۆیان ڤە هەى دبەردەوام بن، ب مەرەما رێکخستن و رێکخۆشکرنا کاروبارێن هەر سێ زانکۆیان.

© Copyright Duhok Polytechnic University (DPU) - All Rights Reserved

Website Admin: Sarbast Ali