ميكانيك بربرا پشتا ته‌كنولوجى يه
2022-11-08 12:25:24
پێشكه‌فتنا وه‌لاتان گرێداى پێشكه‌فتنا ته‌كنولوجى وپيشه‌سازى يا وه‌لاتى يه وبربرا پشتا ته‌كنولوجيايى ژى ميكانيكه . په‌يمانگه‌ها ته‌كنيكى دهوك هه‌ر ژروژا دامه‌زراندنێ بير لڤێ چه‌ندێ كريه وپشكا ميكانيك سه‌ره‌راى زه‌حمه‌ت وتێچونێت دارايێ يێت مه‌زن ژبو دامه‌زراندنا وه‌رشه و لابورا وكرينا ئامير و ده‌زگه‌هان ئه‌ڤ پشكه ڤه‌كريه. پشكا ميكانيك كو ل سالا 1990 ل په‌يمانگه‌هێ هاتيه ڤه‌كرن وپێشوازيا قوتابيان كريه وبه‌رده‌وامه و هه‌تا نهو پترى (1000) قوتابيان وه‌ك تێبينه‌رێن سه‌ركه‌فتى ژێ ده‌رچوينه و بده‌هان ژى به‌رده‌وامى دايه خاندنا خو وكوليژێن ئه‌ندازيارى تمام كرينه وگه‌له‌ك ژێ ڤێ گاڤێ ماموستا وخودى باوه‌رنامێن بلندن . دگه‌ل پيشڤه‌چونا تكنولوجى وزانستى لجيهانێ ڤێ پشكێ ژى به‌رده‌وام پشت نه‌دايه كاروانێ پێشڤه‌چونێ ب ريكا ڤه‌كرنا سه‌نته‌رێن كارى يێن تايبه‌تمه‌ند وگوهرين وپێشڤه‌چون دناڤه‌روك وته‌كنيكا پشكێ دا وه‌كى نهو بويه پشكا (ته‌كنولوجيا پيشه‌سازى) وبئاوايه‌كى پێشكه‌فتى تر قوتابيان پێدگه‌هينت.