رێوره‌سمێن ئاهه‌نگا ده‌رچوونا قوتابيێن په‌يمانگه‌ها ته‌كنيكى يا ئامێديێ
ل ژێر درۆشمێ ((بەرەف پاشەروژەكا تەكنيكى يا سەردەم بۆ كوردستانەكا بهێز)) و لژێر چاڤدێریا رێزدار (پ.د.ئاری عادل) سەروکا زانکویا پولیتەکنیکی یا دهوکێ ئاهەنگا ده‌رچوونێ یا قوتابیێن په‌يمانگه‌ها ته‌كنيكی ئامێدیێ گه‌را (17)ێ و گەرا (10) یا زانكۆيا پوليته‌كنيكی يا دهۆك يا سالا دەرچوونێ (2021-2022) هاته گێران.
ئه‌ڤرو روژا سێ شه‌مبى رێكه‌فتى 1/11/2022 و ب ئاماده‌بوونا هه‌ژماره‌كا زوور ژ رێڤه‌به‌رو به‌رپرسێن دام و ده‌زگه‌هێن ميری و حزبی و په‌رله‌مانتار و کەسایەتیێن دەڤەرێ و مامۆستا و کەس و کارێن قوتابیان ئاهه‌نگا ده‌رچوونا قوتابیان ل ئاڤاهيێ په‌يمانگه‌هێ هاته گێران.
دڤێ گەرا دەرچوونێ دا 205 قوتابی ل هه‌شت پشکێن زانستی یێن په‌یمانگه‌هێ (کارگێری گەشتیاری سپێده و ئێڤاران، کارگێری بازارگەری، تەکنولوجیا تاقیگەهێن نوژداری، کارگێری كار سپێده و ئێڤاران، تەکنولوجیا زانیاریان (ئایتی) سپێده و ئێڤاران) ل پەیمانگەهێ دەرچوون و تەڤلی کاروانێ ئاڤەدانی و ڤەژاندنا کوردستانی بوون.
د رێورەسمێن ئاهەنگا دەرچوونێ دا پشتى ده‌قه‌كا رێزگرتنێ ژ خوینا شه‌هیدان و خواندنا چه‌ند ئایه‌ته‌كان ژ قورئانا پیروز،راگرێ پەیمانگەها تەکنیکى یا ئامێدیێ (پ. هـ. د. هکار زکی) د پەیڤەکێ دا بخێرهاتنا ئاماده‌بوویان كر و پیروزباهیا قوتابیێن دەرچويی کر.
ل دوڤدا سوندخارنا قوتابيان ژ لايێ هاريكارێ راگرێ په‌يمانگه‌هێ ڤه هاته پێشكێشكرن و پاشان باوەرنامە ژ لایێ (د.صلاح عبدال) هاريكارێ سەروکا زانکویێ بو كاروبارێن كارگێرى و دارايى ب قوتابیێن دەرچوویی هاتە بەخشین.
پشتی رێورەسمان ژی دیاری ب سەر سەرکەفتیێن ئێکێ یێن هه‌ر هه‌شت پشكێن په‌يمانگه‌هێ هاتنە دابەشکرن.
ل دوماهیێ ژی ب ناڤێ راگەهاندنا پەیمانگەهێ زور سوپاسیا ليژنا سه‌رپه‌رشت و وان هەموو مامۆستاو فه‌رمانبه‌رێن پەیمانگەهێ دکەین کو کار کری و هاریکار بوونە دگەل مەدا بو سازكرن و برێڤەبرنا ڤێ ئاهەنگێ . هەروەسا سوپاس بۆ ده‌زگايێن ئه‌منی، سوپاس بو كه‌نالێن راگه‌هاندنێ كو رومالا ئاهه‌نگێ كرن، هەروەسا بناڤێ راگرى و راگه‌هاندنا په‌يمانگه‌ها ته‌كنيكی یا ئامێدیێ پيروزباهيێ ل هه‌مى قوتابيێن ده‌رچوويی دکەین و داخازا سه‌ركه‌فتنێ بۆ هەموویان دخازين هەر سەرکەفتیبن.
قه‌تران محمد
بەرپرسێ راگه‌هاندنا په‌یمانگه‌هێ