دوو په‌نه‌لێن جودا ل په‌يمانگه‌ها ته‌كنيكى ئاميديێ هاتن پێشكێشكرن
ئه‌ڤرو رێكه‌فتى 25/10/2022 په‌يمانگه‌ها ته‌كنيكى يا ئامێديێ ب هه‌ماهه‌نگى و هه‌ڤكاريا رێكخراوا ستێپ، ب ئاماده‌بوونا پ.هـ.د.هكار زكى راگرێ په‌يمانگه‌هێ و به‌رێز وارشين سلمان ده‌ڤه‌ردارێ ئامێديێ و ژماره‌كا زوور ژ مێڤان و ماموستا و قوتابيێن په‌يمانگه‌هێ، دوو په‌نه‌لێن جودا ل سه‌ر ئاريشه و پرسگرێكێن ئافره‌ت و گه‌نجان ل هولا په‌يمانگه‌هێ پێشكێشكرن.
په‌نه‌لێ ئێكێ ل سه‌ر ئاريشه و پرسگرێكێن گه‌نجان و چاره‌سه‌ريێن وان هاته پێشكێشكرن، د په‌نه‌لى دا ته‌وه‌رێ ئێكێ ديتنا حكومه‌تێ بو چاره‌كرنا پرسێن گه‌نجان ژ لايێ به‌رێز وارشين سلمان ده‌ڤه‌ردارێ ئامێديێ ڤه هاته پێشكێشكرن و ته‌وه‌رێ دوويێ ژ په‌نه‌لى ل دوور پرسگرێن ئابورى يێن گه‌نجان ژ لايێ د.رێبر فتاح راگرێ كوليژا كارگێرى و ئابورى ل زانكويا دهوك هاته به‌حسكرن، ته‌وه‌رێ سيێ ژى ل دوور پرسگرێن پشكداريا سياسى يا گه‌نجان ژ لايێ د.جمعه به‌ندى ماموستايێ زانكويێ هات به‌حسكرن.
پاشان په‌نه‌لێ دوويێ ل دوور ئاريشه و پرسگرێكێن ئافره‌تێ و چاره‌سه‌ريێن وێ هاته پێشكێشكرن و د ته‌وه‌رێ ئێكێ يێ په‌نه‌لى دا پرسگرێكێن پشكداريا سياسى يا ئافره‌تێ ژ لايێ د.سوزان ئامێدى ماموستايا زانكويێ ڤه هاته به‌حسكرن و ته‌وه‌رێ دوويێ پرسگرێكێن ئابورى يێن ئافره‌تێ ژ لايێ ئابوريناس جگر محمد هاته شروڤه‌كرن، ته‌وه‌رێ سيێ ژى ل دوور پرسگرێكێن جڤاكى يێن ئافره‌تێ ژ لايێ ماموستا چيمن رشيد رێڤه‌به‌را رێكخراوا ژيندا هات پێشكێشكرن.
ل دووماهيا هه‌ردوو په‌نه‌لان دليڤه ب ئاماده‌بوويان هات دان بوو هه‌ر پرسياره‌كێ، و گه‌نگه‌شه ل دوور پرسيار و ته‌وه‌ران هاته كرن و به‌حس ل رێكێن چاره‌سه‌ريێ بو پرسگرێكان هاته كرن.
راگه‌هاندنا په‌يمانگه‌هێ