رويدان

ل رۆژا دوو شەمبی رێکەفتی 2022/10/10 ـێ ب ئامادەبوونا (پ. هـ. د. ئاری محەمەد عەلی)، راگرێ کولیژا تەکنیکی کارگێری دهوك و هاریکارێ راگرێ پەیمانگەها تەکنیکی کارگێری و هەموو سەرۆك پشکێن زانستی و لیژنەیێن ئەزموونا ل کولیژ وپەیمانگەهێن سەر ب زانکۆیا پولیتەکنیکی یا دهوك ڤە وورك شوپەك ل هوڵا ئاشتی هاتە پێشکێش کرن.

د. مەسعود عەبدولکەریم عەبدولرەحمان، ژ لیژنا باڵا یا بولونیا پرۆسێس ل سەرۆکاتیا زانکۆیێ دیار کر: مەرەم ژ ڤێ وورك شوپێ ئەوە کو شرۆڤەکرن و پێشکێش کرنا زانیاریێن زێدەتر کو تایبەتن ب جێبەجێ کرنا هندەك بریارێن وەزارەتا خواندنا بلند و ڤەکولینێن زانستی سەبارەت دێ چاوا سەرەدەری دگەل وان قوتابیێن نەدەرچووی ژ ئێك بابەت هەتا چوار بابەتان پشتی چوار هەولێن ئەزموونێ هێتەکرن.
گوت ژی: ئەو جورە قوتابیە دێ شێن ب رەنگەکێ پاڕالێل بخوینن ژ ئێك هەتا چوار بابەتان ب تیوری و پراکتیکی و ئەو چاڵاکیێن د ساڵا خواندنێ دا دهێنەدان.

ئاشکرا ژی کر: گەلەك بابەتێن دی بۆ ئامادەبوویان هاتە بەحس کرن، ژ وانا هندەك حالەتێن دەگمەن هەنە کا دێ ب چ رێ چارەسەری بۆ بهێتە کرن، ئارمانج ژ ڤێ چەندێ ژی ئەوە کو بەرژەوەندیا قوتابی دهێتە پێش چاڤ کرن و سەرکەفتیانە خواندنا خوە دوماهیك بینیت.

هەژی گوتنێ یە سیهـ و شەش سەرۆك پشکێن زانستی و سەرۆك لیژنەیێن ئەزموونان ژ ڤان کولیژ و پەیمانگەها پێك دهێن : کولیژا تەکنیکی ئەندازیاری دهوك، کولیژا تەکنیکی کارگێری دهوك، کولیژا تەکنیکی زانستێن پەترۆل و کانزایان زاخۆ، پەیمانگەها تەکنیکی کارگێری دهوك، پەیمانگەها تەکنیکی دهوك، پەیمانگەها تەکنیکی ئامێدی و پەیمانگەها تەکنیکی زاخۆ بەشدار ببون.