وۆرکشووپەک ل سەر سیستەمێ پۆلۆنی هاتە پێشکێشکرن

ئەڤرۆ سێ شەمبى ١١ێ ١٠ێ ٢٠٢٢ێ وۆرکشووپەک ل سەر سیستەمێ پۆلۆنی بۆ مامۆستا و سەرۆک بەشێن زانستى و بەرپرسێن هۆبا تۆمارێ و لیژنێن ئەزموونان ژلایێ دکتۆر مسعود عبدالکریم لیژنا بلندا سیستەمێ پۆلۆنی ل سەرۆکاتیا زانکۆیا پۆلیتەکنیکى دهۆک ل هۆلا کۆنفرانسان ل پەیمانگەها تەکنیکى ئاکرێ هاتە پێشکێشکرن

کۆ دڤێ وۆرکشووپێ دا چەند کۆلیژ و پەیمانگەهــ تێدا بەشداربوون ژوان ژى کۆلیژا تەکنیکى ئینفۆرماتیک ئاکرێ و کۆلیژا تەکنیکى ئاکرێ و پەیمانگەها تەکنیکى ئاکرێ و کۆلیژا تەکنیکى تەندروستى شێخان و پەیمانگەها تەکنیکى یا بەردەرەش  ب مەرەما گەنگەشەکرن و پتر وەرگرتنا زانیاریان ل سەر پرۆسسا سیستەمێ پۆلۆنی و جێ بە جێکرنا وێ ل سەر هەمی کۆلیژ و پەیمانگەهێن سەر ب زانکۆیا پۆلیتەکنیکى یا دهۆک ڤە ل دیڤ ڕێنما و فەرمانێن زانکۆیێ و وەزارەتا خاندنا بلند و ڤەکۆلینێن زانستى

سیستەمێ پۆلۆنی سیستەمەکێ ئەوروپى یە ژبۆ ڤەگۆهاستن و کۆکرنەڤەیا کۆشش و چالاکیان ل سالا ١٩٩٩ێ وەزیرێن خاندنا بلند یێن دەولەتێن ئەوروپى ل باژێرێ پۆلۆنیا یا ئیتالیا کۆمبوونەڤە و هەر ل وێرێ ئەڤ سیستەمە ڕاگەیاندن

و هەتا نۆکە پترى ٤٦ وەلاتێن جیهانێ ئەڤى سیستەمی بکار دئینن و ئێک ژ مفا یێن هەرە سەرەکی یێن ڤی سیستەمی ئەوە کۆ کار ئاسانیەکا زۆر دهێتەکرن بۆ ڤەگۆهستنا قوتابى و مامۆستا و فەرمانبەران ل زانکۆیەکێ بۆ زانکۆیەکا دى یان ژى ل وەلاتەکێ بۆ وەلاتەکێ دیتر ژبەرکۆ زۆربەیا بابەت و پرۆگرامێن خاندنێ دێ وەکى ئێک لێهێن