جڤاتا په‌يمانگه‌هێ كومبو
ئه‌ڤرو بسه‌روكايه‌تيا (پ.ه.د.صلاح عبدال عزو) هاريكارێ سه‌روكا زانكويا پوليته‌كنيك يا دهوك وراگرێ په‌يمانگه‌ها ته‌كنيكى دهوك بوه‌كاله‌ت جڤاتا په‌يمانگه‌ها ته‌كنيكى دهوك لهولا كوميونان كومبو.
دڤێ كومبونێ دا ياكو سه‌رجه‌م سه‌روك پشكێن زانستى و چه‌ند به‌رپرسێن هوبێن كارگێرى ئاماده‌بويێن به‌حس لسه‌رچه‌ند ته‌وه‌ران هاته كرن ژوانا
- چاره‌نفيسێ قوتابين ڤه‌مايى يێن سالێن بورى و پشكێن وانێن زانستى هاتينه گوهرين .
- ئاماده‌كاريێن پشكێن زانستى بو ده‌سپيكرنا سالا تازه يا خاندنێ و وه‌گرتنا ژماره‌كا باشا قوتابيا .
- ده‌وام و پێگريا ماموستا وفه‌رمانبه‌ران لديف رينمايا و ياسايێ دان وستاندن وگه‌نگه‌شه‌كا باش لسه‌ر ڤان ته‌وه‌ران و چه‌ند ته‌وه‌رين دى هاته كرن .
دهيته زانين كو په‌يمانگه‌ها ته‌كنيكى دهوك ئيكه‌مين ده‌زگه‌هێ خاندنا بلنده ل پارێزگه‌ها دهوك و سالا (1989) هاتيه دامه‌زراندن و نوكه ژ (8) پشكێن زانستى يێن پزيشكى و ئه‌ندازيارى پێك دهێت .