دوو قوتابیێن کولیژێ داهێنانەك بۆ رێکخستنا سیستەمێ ترافیکی و کێم کرنا سەرپێچی و روودانان دروست کریە


2022-07-07 05:29:46

مزگین فەخری عەبدولقادر و بلند مستەفا سالح دوو قوتابیێن قوناغا دووێ، پشکا تەکنولوجیا زانیاری کارگێری ل کولیژا تەکنیکی کارگێری ژ زانکۆیا پولیتەکنیکی یا دهوك پرۆژە و داهێنانەك بۆ سیستەمێ رێڤەبەریا هاتن وچوونێ و سکیورێتی دروست کریە.


مزگین فەخری عەبدولقادر، قوتابیێ پشکا تەکنولوجیا زانیاری کارگێری د دیدارەکێ دا ل تورا میدیایی رووداو راگەهاند: مەرەم ژ ڤێ داهێنانێ ئەوە کو رێژەیا سەرپێچی و روودانێن هاتن وچوونێ کێم بکەین و تومارکرنا وان سەرپێچیێن ترۆمبێلا ب کوژمەکێ پارەی دێ بیتە داهاتەکێ باش بۆ حکومەتێ، هەروەسا ژلایێ ئەنجامدانا تاوانا ژی دشێن مفایێ ژ ڤی سیستەمی ببین.


قوتابیێ زانکۆیا پولیتەکنیکی یا دهوك دیار کر ژی: ئەڤ داهێنانە ژ سێ بەشا پێك دهێت ژ وان ژی کو هەر ترومبێلەکا ل هەرێمێ نەهاتیە تومار کرن زانیاریێن وێ بهێنە وەرگرتن دەمێ سەرپێچیەکێ دکەت بهێتە تومار کرن هەر دەما ژ کوردستانێ دەرکەفت هەموو سەرپێچی ژێ بهێنە وەرگرتن، هەروەسا بەشێ دووێ دیار کرنا دەمێ دناڤبەرا کامیرێن هاتن وچوونێ دەمێ ترۆمبێل ژ کامیرێن چاڤدێریێ دەرباز دبن لەزاتیا خو زێدە دکەن لەورا ئەگەر ددەمێ خو زووتر گەهشتن کامیرا دی سەرپێچی هێتە هژمارتن. ئەو ژی گوت: هەر دوو بەشێن سەری دهێنە بەشێ سێی دا کو بەشێ سکیورێتی و ئاسایشێ مفایێ ژێ وەرگرن، ئەگەر کەسەکێ تاوانەك ئەنجام دا بیت زانیاریێن وی  هاتینە تومار کرن زووتر دشێن جهێ تاوانباری و کارێن خو ئەنجام بدەن.


ئەو ژی گوت: سەبارەت حالەتێن تەنگاڤیا فورمەك هاتیە ئامادەکرن دەمێ تورمبێلەك حالەتێن تەنگاڤیا نەخۆشەك گەهینیتە نەخۆشخانێ، پێدڤیە خودانێ ترۆمبێلێ وێ فورمێ پڕ بکەت و ئێمزا نوشدار و رێڤەبەرێ نەخوشخانێ سەر بیت، پاشان ب رێیا کامیرێن چاڤدێریێ حالەت بهێتە پشت راست کرن، پاشان سزایێ سەرپێچیێ سەر ناهێتە سەپاندن. ل دوماهیێ ژی گوت: ئەگەر پشتەڤانیا مە بهێتە کرن دشێن گەلەك پێشڤەچوونێن دی د ڤی پرۆژەی وداهێنانێ دا ئەنجام بدەین.

© Copyright Duhok Polytechnic University (DPU) - All Rights Reserved

Website Admin: Sarbast Ali