سەرۆكا زانكۆیێ پشكداری دكونگرێ ئێكەتیا زانكویێن ناڤەراست UNIMED دا كڕ


2022-06-28 12:48:30

سەرۆكا زانكۆیێ پشكداری دكونگرێ ئێكەتیا زانكویێن ناڤەراست UNIMED دا كڕ

سەرۆكا زانكۆیا پۆلیتەكنیكی یا دهۆك بۆ دەمێ دوو روژا پشكداری د كونگرێ سالانە یێ ئێكەتیا زانكۆیێن ناڤەراست UNIMEDدا كر ئەوێ ل ژێر درویشمێ Shaping the Mediterranean From Cooperation to Integration ل ئوردنی هاتیە برێڤەبرن

ب مەرەما پشكداریكرنێ د كونگرێ سالانە یێ ئێكەتیا زانكۆیێن ناڤەراست UNIMED دا شاندێ زانكۆیا پۆلیتەكنیكی یا دهۆك ب سەرۆكاتیا (پ. د. ئاری عادل) سەرۆكا زانكۆیێ، و (م. بارین هڤال) بەرپرسا هوبا هەماهەنگیێ ل رێڤەبەریا پەیوەندیێن نێڤدەولەتی پشكداری د كونگرێ نافهاتی دا كر ئەوێ ل روژا چوار شەمبی و پێنج شەمبی رێكەفتی 22-23 / 6 / 2022 و ب ئامادەبونا سەرۆك زانكۆیێن 23 وەلاتێن دكەڤنە لایێ دەریا سپی یا ناڤەراست و نوینەرێن رێكخراوێن هەفپشك ل زانكۆیا ئوردنی هاتیە برێڤەبرن

دئەڤی كونگرەی دا سەرۆكێ ئێكەتیێ (د. فرانسيسكو مات بون) گوت ئەو ئێكەتیا ژ 144 زانكۆیێن 23 وەلاتێن دكەڤنە لایی دەریا سپی یا ناڤەراست پێك بهێت ئارمانجا وێ پێشخستنا ڤەكولین و فێركرنێ یە ل ئەوێ دەڤەرێ و كارێ وان هاریكاریا زانستی و رەوشەنبیری و جڤاكی و ئابووری یە ژبو باشتركرنا ژیانا كومەلگەهێ و دابینكرنا جهەكێ باشتر بۆ خەلكی وتەكەزی لسەر وێ چەندێ ژی كر كو بۆ جارا ئێكێ كونگرە ل وەلاتەكێ نە یێ ئورپی بهێتە ئەنجامدان

ژلایەكێ دیڤە ڤەكولەرا ئوروپی یا داهێنان وڤەكولینان و رەوشەنبیری و فێركرنێ و ولاوان ماريا غابرييل، ب رێكا تومارەكا دەنگی ئاستەنگیێن ئێكەتیێ دانە دیاركرن بۆ سەرخستنا پروسێسا خواندنێ ل دەڤەرێ

ژلایێ خوڤە سەرۆكا زانكۆیێ ژی د پەیڤەكێ دا گوت : سەرباری هەمی ئاستەنگان وەزارەتا خواندنا بلند ل هەرێما كوردستانێ بزاڤێ دكەت كوالتیا خواندنێ ل هەمی زانكۆیێن هەرێمێ باشتر لێبكەت وئەو ریفورما هاتیە كرن دەربارەی دلینایی جوری و پەیرەوكرنا پروسێسا بۆلۆنا دهاریكاربوون ژبو پێشڤەچوونا پروسێسا خواندنێ ل هەرێمێ و هەروەسا هەفپشكیا مە دگەل UNIMED و پروژێ ئەپرایس پتر هاریكار و پشتەڤان بۆ ژبۆ برێڤەبرن و جێبەجێكرنا ئەڤێ پروسێسێ و كەرتێ خواندن و فێركرنێ ل زانكۆیا مە.

© Copyright Duhok Polytechnic University (DPU) - All Rights Reserved

Website Admin: Sarbast Ali