کومبۆنا شەشێ یا جڤاتا زانکۆیێ هاتە برێڤەبرن


2022-06-15 11:09:12

کومبۆنا شەشێ یا جڤاتا زانکۆیێ هاتە برێڤەبرن

ب سەرپەرشتیا (پ. د. ئارى عادل) سەرۆکا زانکویێ و ب ئامادەبونا ئەندامێن جڤاتا زانکۆیێ و ب مێھڤانداریا دکتور ھونەر ئەندامێ جڤاتا ئەمینداریا زانکۆیا ئەمریکی کوردستان، کومبۆنا ئاسایى یا جڤاتا زانکۆیا پۆلیتەکنیکى یا دهۆک یا ژمارە شەش ل سەرۆکاتیا زانکۆیێ هاتە برێڤەبرن

ئەڤرو ڕۆژا چوار شەمبی ڕێکەفتى (2022/6/15) و ل دەمژمێر 9:00 سپێدێ و ب ئامادەبونا سەرۆک و هارێکارێ سەرۆکا زانکۆیێ و ئەندامێن جڤاتێ، روینشتنا کومبۆنا شەشێ یا جڤاتا زانکۆیا پۆلیتەکنیکی یا دهۆک بۆ سالا خواندنێ ٢٠٢١-٢٠٢٢ ل هولا کومبۆنا یا سەرۆکاتیا زانکۆیێ هاتە برێڤەبرن

ل دەستپێکا ئەڤێ روینشتنێ چەند رونکرنەک ل سەر پروژە ياسا دەستەيا متمانە بەخشين ب دامەزراوە و پروگرامێن پەروەردێ و خواندنا بلند ل ھەرێما كوردستانێ ژلایێ دکتور ھونەر ئەندامێ جڤاتا ئەمينداريا زانكۆيا ئەمريكى كوردستان ھاتنە دیارکرن،

ودبرگەیەکا دی یا ئەڤێ روینشتنێ دا گەنگەشە ل سەر پێنج تەوەرێن گرنک ھاتەکرن، تەوەرێ ئێکێ و یێ چوارێ دتایبەت بۆن ب کاروبارێن کارگێرى و دارایى ڤە و پێشنیاز و تێبینیێن کارگێرى و دارایى ژلایێ ( پ. ھ. د. صلاح عبدال عزو) هاریکارێ سەرۆکا زانکۆیێ بۆ کاروبارێن کارگێرى و داریى ڤە هاتنە دیارکرن و گەنگەشەکرن ل سەر هاتە کرن، د تەوەرێ دووێ دا کاروبارێن قوتابیان هاتنە گەنگەشەکرن، و د تەوەرێ سێ یێ دا کاروبارێن زانستى هاتنە گەنگەشەکرن، و دتەوەرێ پێنجێ و دویماهیێ دا کاروبارێن رێڤەبەریا دلنیایى جورى هاتنە گەنگەشەکرن.

© Copyright Duhok Polytechnic University (DPU) - All Rights Reserved

Website Admin: Sarbast Ali