رویدان

ئەڤرۆ 13ـێ خزیرانا 2022ـێ وورك شوپەك لسەر بهێزکرنا شیانێن رۆژنامەڤان و چاڵاکڤانێن گەنج د سوشیال میدیایێ بۆ ئاشتیێ و ئێکگرتنا جڤاکی ژلایێ رێکخراوا CDO و ب پشتەڤانیا رێکخراوا UNDF پرۆژێ (تنوع) ب هەماهەنگیا پشکا تەکنیکێن راگەهاندنێ ل کولیژا تەکنیکی کارگێری دهوك هاتە برێڤەبرن.

د ڤێ وورك شوپێ دا ب ئامادەبوونا(پ. هـ. د. ئاری محەمەد عەلی)، راگرێ کولیژا تەکنیکی کارگێری دهوك و سەرۆکا سەندیکا رۆژنامەڤانێن کوردستانێ_لقا دهوك و هژمارەکا ماموستایێن پشکا تەکنیکێن راگەهاندنێ و ماموستایێن کولیژێ و رێڤەبەرێن دەزگەهێن راگەهاندنێ و رۆژنامەڤانێن دهوکێ بەشداری ڤێ وورك شوپێ بوون.

ل دەستپێکێ (پ. هـ. د. ئاری محەمەد عەلی)، راگرێ کولیژێ دیار کر: فەرە د ڤان وورك شوپا و دیبەتا دا بەحس لسەر خالێن لاواز و گرنگ بهێنەکرن کو هەتا نها ل هەرێما کوردستانێ و پارێزگەها دهوکێ نەشیاینە رۆژناماڤانیەکا ساخلەم و پری زانیاری و راستگویێ پێشکێشی جەماوەری بکەن. گوت ژی: هیڤیدارین ئەنجامدانا ڤان وورك شوپا خالێن ئەرێنی بهێنە دیار کرن و کو بشێن بۆ قوتابیێن ل پشکێن رۆژنامەڤانی دخوینن مفا ژێ بهێتە وەرگرتن.

ژلایێ خدر دوملی، سەرپەرشتێ وورك شوپێ ئاشکرا کر: مەرەم ژ ڤان جورە وورك شوپا ئەوە بشێن دەزگەهێن راگەهاندنێ و رۆژنامەڤانان کوم بکەن کادێ چاوا شێن پەیامێن ئاشتیێ و ئێکگرتنا جڤاکی پێشکێشی جەماوەری بکەن، گوت ژی: د بەشەکێ دی وورك شوپێ بەحس لسەر کاریگەری و رولێ سوشیال میدیایێ و پەیامێن تێدا دهێنە بەڵاڤ کرن گەلەك هەستیاری سەرەدەری دگەل بهێتە کرن.

ڤیان عەباس، سەرۆکا سەندیکا رۆژنامەڤانێن کوردستانێ_لقا دهوك بەحس لسەر کارێ سەندیکایێ و چاوانیا وەرگرتنا ئەندامان و ئەو پێشلکارێن بەرامبەر رۆژنامەڤانا دهێنەکرن و بەرەڤانی کرن ژ کەسێن رۆژنامەڤانا و یاسایێن رۆژنامەڤانی ئاشکرا کر.

پاشان هەموو بەشدار بووین ڤێ وورك شوپێ دیتن و بووچونێن خوە لسەر کارێ رۆژنامەڤانی و سوشیال میدیایێ و بابەتێن یاسایی و کاریگەریا پەیامێن ساخلەم و پری زانیاری ئاشکرا کرن.