رویدان

لژێر چاڤدێریا هێژا (پ. د. ئارى عادل عبدالقادر ) سەرۆکا زانکۆیا پۆلیتەکنیکى یا دهۆک و ب سەرپەرشتیا جەنابێ راگرێ کۆلیژ و پەیمانگەھا تەکنیکی زاخۆ رێزدار (د. عبدالحکیم عثمان محمد) و بھەڤکاری دگەل ئیدارا سەربەخۆیا زاخۆ پشکا کارگێری کار رابو ب رێکخستنا ورک شۆپەکێ دوو رۆژى ب ناڤ و نیشان (لێھەڤکرنا کارێن کارگێری و گرنگیا وان بۆ یەکەیان و فەرمانگەھێن میری) .
ب مەرەما بلندکرنا ئاستێ کارگێری یێن کادرێن ل دام و دەزگەھێن میری کاردکەن د چارچوڤێ رەوشت و سروشتێ ئەرکێن پێ ھاتنە راسپاردن و لدویڤ پرەنسیپ و بنەمایێن کارگێری و پیڤەرێن یاسایێن خزمەتا شارستانی د رێڤەبرنا کاری دا، ئەڤرو روژا ئێک شەمبى رێکەفتى 5/6/2022 لدەمژمێر 9:00 سپێدێ و ب ئامادەبوونا ھەرێمدارێ دەڤەرا زاخۆ بەرێز (م. مشیر محمد) و بەرپرس و فەرمانبەرێن ل دام و دەزگەهێن میری یێن سەر ب ئیدارەیا سەربەخو یا زاخوڤە کاردکەن و هەژمارەکا رێڤەبەر و بەرپرسێن یەکەیان و فەرمانبەرێن کۆلیژ و پەیمانگەھا تەکنیکی-زاخۆ ئێکەم روژا ورک شوپێ ل ھولا سمیناران هاتە برێڤەبرن
پەیڤا دەستپێکێ و بخێرهاتنێ ژلایێ راگرێ کۆلیژ و پەیمانگەھا تەکنیکی زاخۆ ڤە ھاتە خواندن و ئاماژە ب کارێن هەفپشکێن کولیژ و پەیمانگەهێ و ئیدارا سەربەخویا زاخۆ کر و دیسان سوپاسیا سەرپەرشتێ ئیدارەیا سەربەخو یا زاخو رێزدار (گوهدار شیخو) کر ژ بو هاریکاریا وان یا بەردەوام دگەل کولیژو پەیمانگەها مەدا و هەروەسا جەخت ل بەردەوامیا ڤان جورە ورک شوپا کر دبوارێن جیاوازدا ل داهاتوویدا و ل دویڤدا سەرۆکا زانکۆیێ ئاماژە ب وێ چەندێ دا کو ئه‌گه‌ر به‌ری چه‌ندین سالان رێڤه‌برن بتنێ‌ رامان ژێ‌ برێكرنا كاروبارێن روژانه‌ یێن ده‌زگایه‌كی بیت، نوكه‌ ئه‌ركێ‌ سه‌ره‌كی یێ‌ كارگێریێ‌ پلانێن مكومن بو گه‌هشتن ب ئارمانجێن دوور و نزیك یێن ده‌زگه‌هی، هەروەسا هەتا پلان بگه‌هیته‌ جهێ‌ مه‌ره‌مێ پێدڤیه‌ كار لسه‌ر وێ‌ پلانێ‌ بهێته‌كرن ژبو بجهئینانێ‌.

و دیسان بەرێز هەرێمدارێ دەڤەرا زاخو دپەیڤا خودا باس ل وێ چەندێ کر کو پێدڤییە فەرمانبەرێن میری زانیاری ل سەر ئەرک و مافێن خو هەبن و دڤان جورە ورک شوپا دا بەشداربن ژبو بلندکرنا رەوشەنبیریا وان و ئاستێ وان یێ کارگێری و هەروەسا بشتەڤانیا خو بو کولیژو پەیمانگەها مە دیار کر .
وژڵایەکێ دیڤە تەوەرێ ئێکێ یێ ورک شوپێ لژێر ناڤ و نیشان کارگێری دارایی ژلایێ( د. نادر رمضان یونس) سەرۆکێ پشکا کارگێری کار ڤە هاتە برێڤەبرن و تەوەرێ دووێ یێ ورک شوپێ ژ ڵایێ (م. علی عبدالطیف عبدالله) نوینەرێ مامۆستایان ڤە پێشکێشکرن.

دهێتە چاڤەرێکرن سباهى روژا دوو شەمبى ل رێکەفتى 6/6/2022 بەردەوامى ب تمامەتیا ورک شووپی بهێتە دان و ل دەمژمێر 9:00 سپێدێ (م. چیا عصمت دینو) دێ تەوەرێ کارگێری قەیرانا پيێشکێشکەت و ل دویڤدا دێ تەوەرێن رەوشتێن کاری ژلایێ (م. دلوڤان امین سلمان) هێتە شروڤەکرن .