نووچە

شاندێ زانکۆیا پۆلیتەکنیکى یا دهۆک پشکدار دخولا راهینانێ یا زانکۆیا ئوسلو دا کڕ

شاندێ زانکۆیا پۆلیتەکنیکى یا دهۆک ب سەرۆکاتیا سەرۆکى زانکۆیی پروفیسور دکتورە ئارى عادل و ب ئەندامەتیا (د.مسعود عبدالکریم) راگرى کولیژا تەکنیکى تەندروستى وپزیشکى شێخان، (د. عبدالحكيم عثمان) راگرى پەیمانگەها تەکنیکى زاخۆ، و(د. شيروان مصطفى) ڕێڤەبەرێ ڕێڤەبەریا پەیوەندیێن نێڤدەولەتى ل سەرۆکاتیا زانکویێ، پشکداری دخولا راهینانێ یا زانکۆیا ئوسلو دا کڕ، ئەوا بۆ دەمێ پێنج رۆژا هەر ژ 9 هەتا 13 هەیفا گولانا ساڵا2022 زانکۆیا ئوسلۆ یا وەلاتێ نەرویج بەردەوام بوی و ئێکەتیا زانکۆیێن ناوچا دەریا سپى ( UNIMED) ب رێکخستنا وسەرپەرشتیکرنا وێ رابووین ب هەماهەنگیا زانکویا ئوسلو. چوار نوینەر ژ هەر ئێک ژ زانکۆیێن؟(دهۆک، پۆلیتەکنیکی دهۆک، زاخۆ، صلاح الدین، سلیمانی، هەلبچە، چرمۆ و گرمیان) دگەڵ پێنج نوینەرێن وەزارەتا خواندنا بالند وڤەکولینێن زانستى دگەل نوینەرێن زانکۆیێن هەفپشکێن بیانى ژ زانکۆیا پیزا یا ئیتالی و زانکۆیا ئیڤورا یا پرتوگالى و زانکۆیا مورسیا یا ئسپانى پشکداری د ئەڤێ خولێ دا کڕ، بابەتێن خولا راهینانێ لدور پلانا استراتیجى یا زانکۆیا و پلانا رێڤەبرن ودلنیایى جورى یا ڤەکۆلینێن زانستى و پێنگاڤێن ئاڤدانکرنا شیانان و چاوانیا جێبەجێکرنا پروسیسا بۆلۆنا بوون.