رویدان

پشتی کو ژمارەیەك ژ قوتابیێن کولیژێ بەشداری چالێنجەکا جیهانی بووین و پلەیا سێیەم دەست خوڤە ئینای ئەڤرۆ باوەرنامەیێن دەرچوونێ لسەر هاتنە دابەشکرن.

ئەڤرۆ ئێك شەمبی رێکەفتی 22 ێ گۆلانا 2022ـێ ب ئامادەبوونا (پ. هـ. د. ئاری محەمەد عەلی)، راگرێ کولیژا تەکنیکی کارگێری دهوك و سەرۆكێ پشکا تەکنۆلۆجیا زانیاری کارگێری و ماموستایێن پشکێ باوەرنامەیێن سەرکەفتنێ لسەر وان قوتابیێن بەشدار هاتنە دابەشکرن هەروەسا راگرێ کولیژێ دەست خوشی ل قوتابیێن بەشدار کر و هیڤیا سەرکەفتنێ بۆ وان خواست.

ژمارەیەك قوتابیێن زانکۆیا پولیتەکنیکی یا دهوك ژ کۆلێژا تەکنیکی کارگێڕی دهوك و قوتابیێن کۆلێژا ویلایەتا گۆردۆن ل ویلایەتێن ئێکگرتی ئەمریکا ب پلەیا سێیەم ل پرۆگرامێ چالێنجێن بەردەوامیا چارەسەریا جیهانی( Global Solutions ) کو ژلایێ رێکخراوا IREX ڤە هاتیە چێکرن، سەرکەفتن دەست خوڤە ئینا، تیما وان ب ناڤێ (نەوروز ئیج)، (Nawroz EDGE)دهاتە نیاسین.

تیما نەورۆز ئیج هزرا وان ئەو بوو جهەکێ بچوک دروست بکەن کو پاشماوێن کەل پەلان وەکی (بتلێن ئاڤێ و نایلون هتد...) دناڤا کامپێن کولیژێ ژلایێ ئەندامێن کومەلگەها کامپێ کوم بکەن و جارەکا دی بکار بینن (ریسایێ کلین)بکەن.
دڤێ چالنجێ دا 9 تیم ژ 216 قوتابیان ل وەلاتێن (عێراق، ئوردن، ویلایەتێن ئێکگرتی) هەڤرکی دکر بۆ ڤەکولین د ڤێ تەحەدایێ (چالنجێ)،ل ژێر ناڤێ نەتەوێن ئێکگرتی کار دکرن، کو ژ چوار ئارمانجا پێک دهێت (نە بۆ هەژاری، نە بۆ برسیبوونێ، بەلێ بۆ ساخلەمیا باش، بەلێ بۆ خاندنا باش) دا کو چارەسەریێ بۆ ئێک ژ ڤان ئاریشان ئاشکرا بکەن.