سەرۆکا زانکۆیێ پشکدارى د پرۆژێ دانانا زانکۆیا ئاکرێ دا کڕ


2022-04-26 05:23:48

سەرۆکا زانکۆیێ پشکدارى د پرۆژێ دانانا زانکۆیا ئاکرێ دا کڕ

ل رێکەفتی 2022/4/26 (پ. ھ. د. ئارى عادل) سەرۆکا زانکۆیا پۆلیتەکنیکى یا دهۆک پشکدارى دکومبونا گەنگەشەکرنا پرۆژێ دانانا (زانکۆیا ئاکرێ بۆ زانستێن کردارى) دا کڕ،

ب ئامادەبوونا پارێزگارێ دهۆکێ (د. علی تتر)، و (پ. هـ. د. ئارى عادل) سەرۆکا زانکۆیا پۆلیتەکنیکى یا دهۆک وگشت ئەندامێن لیژنا تایبەت یا گەنگەشەکرنا پروپوزەلێ دانانا زانکۆیەکێ ل ئاکرێ هەر ئێک ژ( پ. د. عبدالفتاح عبدالرزاق) بریکارێ وەزارەتا خواندنا بلند و ڤەکۆلینێن زانستی و راوێژکارێن وەزیرێ خواندنا بلند و سەرۆک زانکۆیێن دهۆک و پۆلیتەکنیک هەولێر و بسپۆرێن بوارێ خواندنا تەکنیکی و پیشەیی، و ھژمارەکا کەسایەتی و پەرلەمانتار و مامۆستایێن زانکۆیێ و قەزا ئاکڕێ.

گوهداریا سمینارەکا تایبەت لدۆر پرۆژێ پێشنیازکریێ دانانا زانکۆیا ئاکرێ کر و بۆ پێشڤەبرنا پرۆپۆزەلی دانوستاندن و گەنگەشە هاتە کڕن.

دهێتە زانین
ئەڤ پرۆژە دێ کولیژ و پەیمانگەهێن تەکنیکى ئاکرێ یێن زانکۆیا پۆلیتەکنیکی یا دهۆک و کولیژا پەروەردە ئاکرێ یا زانکۆیا دهۆک بخو ڤە گریت وپێشتر پرۆپۆزەلێ ڤەکرنا زانکۆیەکێ ل ئاکرێ بۆ پەرلەمانێ کوردستانێ هاتیە پێشکێشکرن و دویڤدا بۆ ئەنجومەنێ وەزیران هاتیە رەوانەکرن و ئەڤ پرۆژێ پێشنیاز کری لێکتێگەهشتنەک یا دگەل سیاسەتا حکوومەتێ، وەزارەتا خواندنا بلند و ڤەکۆلینێن زانستییێ هەى و پشتەڤانی بۆ ئەڤى پروژەى هاتیە دیارکرن. هەروەسا پارێزگارێ دهۆکێ و سەرۆکاتیا زانکۆیا پۆلیتەکنیکی یا دهۆک و زانکۆیا دهۆک ژى پشتەڤانیا خۆە بۆ دانانا زانکۆیا پێشنیاز کری یا ئاکرێ دیار کڕن.

 

© Copyright Duhok Polytechnic University (DPU) - All Rights Reserved

Website Admin: Sarbast Ali