ئێکەم کونفرانسێ ڤەکولین و پروژێن دەرچوونێ هاتە برێڤەبرن


ئێکەم کونفرانسێ ڤەکولین و پروژێن دەرچوونێ هاتە برێڤەبرن

لژێر چاڤدێریا (پ. هـ. د. ئارى عادل) سەرۆکا زانکۆیا پۆلیتەکنیکى یا دهۆک ئێکەم کونفرانسێ ڤەکولین و پروژێن دەرچوونێ یێ قوتابیێن قوناغا چوارێ یێن شەش کولیژێن تەکنیکى ل هولا ئازادى یا پەیمانگەها تەکنیکى یا دهۆک هاتە برێڤەبرن.

ئەڤرۆ روژا چوار شەمبى رێکەفتى 2022/4/27 و لدەمژمێر 10:00 سپێدێ و ب ئامادەبونا ئەندامێن جڤاتا زانکۆیێ و هژمارەکا ماموستا و سەرپەرشت و قوتابیان ، کونفرانسێ ئێکێ یێ ڤەکولین و پروژێن دەرچوونێ بۆ 39 ڤەکولین و پروژێن دەرچوونێ هاتە برێڤەبرن

پشتى رێزگرتنێ ل سەر گیانێ شەهیدان، سەروکێ لیژنا بەرهەفکرنێ (پ. هـ. د. رجب ابراهیم حمید) هاریکارێ سەرۆکا زانکۆیێ بۆ کاروبارێن قوتابیان چاوانیا برێڤەبرن و گەنگەشەکرنا پروژە و ڤەکولینێن بسپوریێن جودا دانە دیارکرن و هەروەسا ئاماژە ب وێ چەندێ ژى کر کو لیژنێن هەلسەنگاندنێ ژ لیژنا کارگێرى، تەکنولوجیا زانیارى،  تەندروستى، جیولوجیا پترول و ئەندازیارى) پێک دهێن و هەر ئێک دێ ل دویف بسپوریا خۆە هەلسەنگاندنێ بۆ پروژە و ڤەکولینێن قوتابیێن هەر 13 پشکێن زانستى یێن خواندنێ کەت. 

ژلایێ خوڤە ( پ. هـ. د. ئارى عادل) سەرۆکا زانکۆیا پۆلیتەکنیکى یا دهۆک د پەیڤەکێ دا گرنگی و مەرەما ئەڤى کونفرانسى دا دیارکرن و گوت: کونفرانسێ زانستى یێ قوتابیان بۆ ئێکەم جارە ل سەر ئاستێ زانکویا پولیتەکنیک دهوک ب ئەڤى شێوەیى دهێتە برێڤەبرن، مەرەما زانکۆیێ ژ کونفرانسى ئەوە قوتابیێ مە هەست ب شیانێن خو بکەت و بزاڤێ بکەت پروژە و ڤەکولینێن باشتر دروستبکەت و فیرى نویاتیێ و تەکنولوجیا سەردەم وهەڤرکیا پێشڤەبرنا زانستى ببیت و بشێن د بسپوریێن خوەدا پێشڤەچوون و پێشئێخستنێ بکەن، هەروەسا هێز و شیانێن قوتابیێن خوە بۆ بازارێ کارى دیار و بەرچافبکەین ژبۆ وێ چەندێ مفا ژ پروژە و ڤەکولینێن قوتابیێن مە بهێتە وەرگرتن دناف کەرتێ تایبەت و گشتى دا، کار ل سەر  بهێتە کرن. 

ل دویفدا لیژنێن هەلسەنگاندنێ و قوتابێن پشکدار ب پروژە وڤەکولینێن خوە ڤە ل سەر چوار هولێن خودانێ هاتنە بەلافکرن ژبو گەشنگەشکرن و هەسەنگاندنا پروژە و ڤەکولینێن هاتینە ئبەرهەفکرن. 

 

 

© Copyright Duhok Polytechnic University (DPU) - All Rights Reserved

Website Admin: Sarbast Ali