دەهەمین ڤیستەڤالا سال روژا روژنامەگەریا کوردى ل کولیژێ هاتە ساخکرن


2022-04-21 09:45:00

ل ژێر چاڤدێریا (پ. هـ. د. ئاری عادل) سەرۆکا زانکۆیا پولیتەکنیکی یا دهوك و ب ئامادەبونا  (د. عەلى تەتەر) پارێزگەرێ دهۆکێ و هەر دوو راگرێن کولیژ و پەیمانگەها تەکنیکی کارگێری دهوك هژمارەکا رێڤەبەرێن دام و دەزگەهێن حکومى و حزبى و دەزگەهێن راگەهاندنێ، ئەڤرو رۆژا پێنچ شەمبی رێکەفتی ٢٠٢٢⁄٤⁄٢١ ـێ دەھەمین فیستەڤالا سال روژا روژنامەگەریا کوردی ل کۆلیژا تەکنیکی کارگێری پشکا تەکنیکێن راگەھاندنێ هاتە ساخکرن.


ل دەستپێکا ڤیستەڤالێ دا " د. فەیرۆز مستەفا" سەرۆکا پشکا تەکنیکێن بناڤێ راگریا کولیژێ و پشکێ پەیڤەك پێشکێشی ئامادەبوویان کر، پاشان داخاز ژ سەرۆکا زانکۆیێ کر پەیڤەکێ پێشکێش بکەت.


" پ. هـ. د. ئاری عادل " سەرۆکا زانکۆیێ د پەیڤەکێ دا رولێ راگەهاندنێ و پشکێن خواندنێ ب گرنگى دا زانین و ١٢٤ سالى یا سال روژا روژنامەگەریا کوردى ل هەمى رۆژنامەڤان پیرۆز کر و هیڤیا خواست کو بشێن رۆژنامەڤانێن ئەکادیمی و پرۆفیشال بەرهەم بینن.


ژلایەکێ دیڤە " د. عەلى تەتەر" پارێزگەرێ دهۆکێ دپەیڤەکێ دا زێدەبارى پیروزباهیا ئەڤێ روژێ ژ رۆژنامەڤانا چەند رونکرن ل سەر دیرۆکا روژنامەگەریا کوردى ئاشکرا کر و هەروەسا تەکەزى ل سەر جێبەجێکرنا ئێتیکێن کارێ روژنامەڤانى ل کوردستانێ بگشتى و پارێزگەها دهۆکێ بتایبەتى کڕ و بەحس لسەر رۆلێ رۆژنامەگەریێ و کارتێکرنا وێ لسەر جڤاکی و دەولەتێ دیار کر لەورا داخاز کر ب چاڤەکێ پیشەیی کارێ رۆژنامەڤانی ئەنجام بدەن.


چەندین  دوکیومێنتاری ژلایێ قوتابیێن پشکا تەکنیکێن راگەهاندنێ ڤە هاتبوونە ئامادە کرن ژ وانا ئێک ژ باشترین دۆکیومێنتاری هاتە نمایش کرن. د بەردەوامیا برگێن ڤیستەڤالێ دا دیبەتەک ژلایێ قوتابیان ڤە هاتە برێڤەبرن کو ژ دوو مێهڤانان هەر ئێک ژ (شەمال ئاکرەیى) بەرپرسێ ئوفیسا دهوک یێ کەنالێ کودرستان٢٤، و (ئەحمەد زاویتەیى) بەرپرسێ ئوفیسا کەنالێ جەزیرە ل هەرێما کوردستانێ پێک دهات و گەنگەشە ل سەر چەند تەوەرێن پەیوەندی ب کارێ روژنامەگەریێ هاتنە بەحس کرن.
هەروەسا د بەرگەکا دى یا ئەڤێ ڤیستەڤالێ دا سێ دەرچوویێن زانکۆیا پۆلیتەکنیکى یا دهۆک کورتیەک لسەر کارێ خۆە یێ روژنامەڤانى دیار کڕ پشتی ژ پشکێن تەکنیکێن راگەھاندنێ و روژنامەڤانیا ئەلکترونی یێن کۆلیژ و پەیانگەھێن تەکنیکی کارگێری دەرچووین و پاشان هاتنە خەلاتکرن.


ل دووماهیێ وەک رێزگرتن ل سەر گیانێ هەر دوو ماموستا و دامەزرێنەرێن پشکا روژنامەڤانی ( محەمەد عەلى ئەتروشى)، (د. عبدالصمد اسلام) و ئامادەبوونا ئەندامێن مالباتێن وان ژلایێ سەرۆکا زانکۆیێ ڤە هاتنە خەلاتکرن. هەروەسا خەلات لسەر سێ باشترین دوکیۆمێنتاری کو ژلایێ قوتابییان هاتبوون ئامادەکرن هاتنە دابەش کرن.

© Copyright Duhok Polytechnic University (DPU) - All Rights Reserved

Website Admin: Sarbast Ali