دەهەمین ڤیستەڤالا سالا روژا روژنامەگەریا کوردى هاتە برێڤەبرن


2022-04-21 03:05:58

دەهەمین ڤیستەڤالا سالا روژا روژنامەگەریا کوردى هاتە برێڤەبرن

ل ژێر چاڤدێریا " پ. هـ. د. ئاری عادل "سەرۆکا زانکۆیا پولیتەکنیکی یا دهوك و ب ئامادەبونا (د. عەلى تەتەر) پارێزگەرێ دهۆکێ و هژمارەکا رێڤەبەرێن دام و دەزگەهێن حکومى و حزبى و کارگێرى و راگەهاندنێ،

ئەڤرو رۆژا پێنچ شەمبی رێکەفتی ٢٠٢٢⁄٤⁄٢١ و ل دەمژمێر ١١:٠٠ سپێدێ دەھەمین فیستەڤالا سال روژا روژنامەگەریا کوردی ل کۆلیژا تەکنیکی کارگێری پشکا تەکنیکێن راگەھاندنێ هاتە ساخکرن

د ئەڤێ ڤیستەڤالێ دا " پ. هـ. د. ئاری عادل " سەرۆکا زانکۆیێ د پەیڤەکێ دا رولێ راگەهاندنێ و پشکێن خواندنێ ب گرنگى دا زانین و ١٢٤ سالى یا سال روژا روژنامەگەریا کوردى ل هەمى دەزگەهێن روژنامەگەریێ پیروز کڕ

و ژلایەکێ دیڤە(د. عەلى تەتەر) پارێزگەرێ دهۆکێ دپەیڤەکێ دا زێدەبارى پیروزباهیا ئەڤێ روژێ چەند رونکرن ل سەر دیروکا روژنامەگەریا کوردى دانە دیارکرن و هەروەسا تەکەزى ل سەر جێبەجێکرنا ئەتیکێن کارێ روژنامەڤانى ل کوردستانێ بگشتى و پارێزگەها دهۆکێ بتایبەتى کڕ،

دبەردەوامیا برگێن ڤیستەڤالێ دا دیبەتەک ژلایێ قوتابیان ڤە هاتە برێڤەبرن کو هەر ئێک ژ (شەمال ئاکرەیى) بەرپرسێ ئوفیسا دهوک یێ کەنالێ کودرستان٢٤، و (ئەحمەد زاویتەیى) بەرپرسێ ئوفیسا کەنالێ جەزیرە ل دهۆکێ مێهڤان کربون و گەنگەشە ل سەر چەند تەوەرێن گرێداى ب کارێ روژنامەگەریێ ڤە کرن.

د بەرگەکا دى یا ئەڤێ ڤیستەڤالێ دا سێ دەرچوویێن زانکۆیا پۆلیتەکنیکى یا دهۆک کورتیەک لسەر کارێ خۆە یێ روژنامەڤانى دیار کڕ پشتی ژ پشکێن تەکنیکێن راگەھاندنێ و روژنامەڤانیا ئەلکترونی یێن کۆلیژ و پەیانگەھێن تەکنیکی کارگێری دەرچووین.

ل دووماهیێ وەک رێزگرتن ل سەر گیانێ هەر دوو روژنامەڤانێن بەرنیاسێن دهۆکێ( محمد على اتروشى، دکتور عبدالصمد اسلام) ئەندامێن مالبات و خێزانێن خودێ ژێ رازیان ژلایێ سەرۆکا زانکۆیێ ڤە هاتنە خەلاتکرن.

© Copyright Duhok Polytechnic University (DPU) - All Rights Reserved

Website Admin: Sarbast Ali