زانکۆیا پۆلیتەکنیکى یا دهۆک پێشوازیا شاندەکێ رێکخراوەکا ئەلمانى کڕ


2022-04-04 12:47:10

زانکۆیا پۆلیتەکنیکى یا دهۆک پێشوازیا شاندەکێ رێکخراوەکا ئەلمانى کڕ

سەنتەرێ گەشەپێدان بۆ کارى و رێڤەبەریا پەیوەندیێن نێڤدەولەتى ل سەرۆکاتیا زانکۆیێ  ل روژا دوو شەمبى رێکەفتى (4/4/2022) پێشوازى لـ شاندەکێ رێکخراوا GIZ یا ئەلمانى یا تایبەتمەند بـ پروگرامێ Prospects for Employment (P4E Program) کڕ. شاندێ رێکخراوا ئەلمانى یێ پێک هاتى بوو ژ خانم کاترینا کراتزمان، بەرپرسا پروگرامى، و ستیڤ سیفرت، بەرپرسێ هوبا ڤەژاندنا ژیانێ، و وەلید میکائیل، فەرمانبەرێ هوبا ڤەژاندنا ژیانێ، و ئیسماعیل مستەفا، رێکخەرێ پارە بو کارى.

د روینشتنەکا ڤەکرى دا هەر ئێک ژ دکتور شێروان مستەفا، رێڤەبەرێ پەیوەندیێن نێڤدەولەتى، دکتور عمار عیسام، سەروکێ لێژنا گرانتا لـ زانکۆیێ، و دکتور نوزەت صادق، رێڤەبەرێ تومارا گشتى، و ماموستا بێوار سلیمان، رێڤەبەرێ سەنتەرێ گەشەپێدان بو کارى. دگەل نوینەرێن رێکخراوا نافهاتى گەنگەشە ل سەر و لێکگهورینا پێزانینان کڕ  لدور پێدڤیێن زانکۆیێ و چاوانیا ئەنجامدانا پروژێن هەڤپشک یێن پێشبینیکرى لـ دەمێن بهێت. زێدبارى ئەڤێ چەندێ، وەرگرتنا پێزانینان ل سەر چاوانیا پشتەڤانیکرن و پێشخستنا شیانێن دەرچوویێن زانکۆیێ ژى هاتە گەنگەشەکرن ژ بۆ بەرهەڤکرنا وان بو بازارێ کارى و بدەستڤەئینانا دەلیڤەیێن کارى.

دهێتە زانین رێکخراوا GIZ پروگرامێ P4E بەرهەڤیان دکەت ژبو کومکرنا هندەک هزرێن نوى بو هندەک پروژێن کونکریتى و دوم درێژ دگەل زانکۆ و دام و دەزگەهێن حکومى کو ببنە ئەگەرێ ئاڤاکرنا بنیاتەکێ موکم و بەردەوام ژبۆ وێ چەندێ  پتر مفا ژێ بهێتە وەرگرتن ژ لایێ زانکۆیێ، قوتابى و دەرچوویان، و هەروەسا دام و دەزگەهێن حکومى، و کومەلگەهێ بشێوازەکێ گشتى.      

© Copyright Duhok Polytechnic University (DPU) - All Rights Reserved

Website Admin: Sarbast Ali