نووچە

کومبۆنا پێنجێ یا جڤاتا زانکۆیا پۆلیتەکنیکى یا دهۆک هاتە برێڤەبرن

ب سەرپەرشتیا (پ. هـ. د. ئارى عادل) سەرۆکا زانکویێ و ب ئامادەبونا گشت ئەندامێن جڤاتا زانکۆیێ کومبۆنا پێنجێ یا جڤاتا زانکۆیا پۆلیتەکنیکى یا دهۆک و ل سەرۆکاتییا زانکۆیێ هاتە برێڤەبرن

ئەڤرو ڕۆژا چوار شەمبی ڕێکەفتى (٢٠٢٢/٣/٣٠) و ل دەمژمێر ١٠:٠٠ سپێدێ و ب ئامادەبونا سەرۆک و هارێکارێن سەرۆکا زانکۆیێ و هەمى ئەندامێن جڤاتێ و نوینەرێ قوتابیان روینشتنا کومبۆنا پێنجێ یا جڤاتا زانکۆیا پۆلیتەکنیکی یا دهۆک بۆ سالا خواندنێ ٢٠٢١-٢٠٢٢ ل هولا کومبۆنا یا سەرۆکاتتیا زانکۆیێ هاتە برێڤەبرن

د ئەڤێ روینشتنێ دا گەنگەشە ل سەر حەفت تەوەرێن گرنک ھاتەکرن، ل دەستپێکێ پێشنیاز و تێبینیێن کارگێرى و دارایى و قوتابیان ژلایێ هاریکارێن سەرۆکا زانکۆیێ بۆ کاروبارێن کارگێرى و داریى و کاربارێن قوتابیان ھاتنە دیارکرن و گەنگەشە ل سەر هاتە کڕن، و د تەوەرەکێ دی یێ ئەڤێ کومبونێ دا کاروبارێن زانستى و رێک و پێنگاڤێن ناسناڤێ زانستێ و پێدانا پلە بەرزکرن هاتنە گەنگەشەکرن، و دتەوەرێ پێنجێ دا تەکەزی ل سەر پێشڤەبرن و رێکخستنا سیستەمێ دلنیایێ جوری و بلندکرنا رێزبەندییا زانکۆیێ د رێزبەندیا نشتیمانی یا زانکۆیان دا ھاتە کڕن، و د تەوەرێن دویماھیێ دا تێبینى و پێشنیازێن سەنتەرێ ڤەکولینێن زانستى ھاتنە دیارکرن و دووپاتی ل سەر رێکخستن و رێڤەبرن و بەلافکرنا ڤەکولینێن زانستی ھاتە کرن.