رویدان

یاریا دوماهیێ ژ قاره‌مانیا ته‌پا پێ یا په‌یمانگه‌ها ته‌كنیكى یا ئامێدیێ هاته‌ كرن و تیما ته‌كنولوجيا زانياريان ئايتى قوناغا ئێكێ بوو سه‌ركه‌فتيا ئێكێ دڤێ قاره‌مانيێ دا

ئه‌ڤرو روژا سێ شه‌مبى رێكه‌فتى 29-3-2022 و ب ئاماده‌بوونا پ.هـ.د.هكار زكى راگرێ په‌یمانگه‌هێ و ماموستا بنار امين هاريكارێ راگرى و به‌رپرسێن ئێكه‌تيا قوتابيان و لاوان ل ئامێديێ و سه‌روك پشك و ژماره‌يه‌ك ژ ماموستا و فه‌رمانبه‌ر و قوتابیێن په‌یمانگه‌هێ یاریا دوماهیێ ژ قاره‌مانیا ته‌پا پێ یا بچیككرى یا په‌یمانگه‌ها ته‌كنیكى یا ئامێدیێ، كو دناڤبه‌را تیما كارگێرى گه‌شتيارى ئێڤاران و تیما ته‌كنولوجيا زانياريان قوناغا ئێكێ هاته‌ كرن، د ئه‌نجامدا تیما ته‌كنولوجيا زانياريان قوناغا ئێكێ سه‌ركه‌فت ب سه‌ر تیماكارگێرى گه‌شتيارى ئێڤاران ب 3 گولا به‌رامبه‌ر چنه‌ و بوو قاره‌مانا په‌يمانگه‌هێ.

ئه‌ڤ قاره‌مانیه‌ ئێكه‌ ژ كارو چالاكیێن بنكا وه‌رزشى ل په‌یمانگه‌ها ته‌كنیكى يا ئامێدیێ،كو ب سه‌رپه‌رشتیا (پ.هـ.د.هكار زكى) راگرێ په‌یمانگه‌هێ، بو ماموستا و فه‌رمانبه‌ر و قوتابیێن په‌یمانگه‌هێ یێن سپێده‌ و ئێڤاران هاتبوو ڤه‌كرن، ئه‌ڤ قاره‌مانیه‌ ژ 11 تیمان پێك دهات، پشتى هه‌ڤركيه‌كا توند و دژوار تیما ته‌كنولوجيا زانياريان قوناغا ئێكێ شيا قاره‌مانيا ته‌پا پێ يا په‌يمانگه‌هێ بو سالا 2022 ب ده‌ست ڤه‌ بينيت.

ل دوماهیێ ژى دیارى ب سه‌ر سه‌ركه‌فتیێن ئێكێ و دووێ، هه‌روه‌سا هه‌دافێ قاره‌مانيێ و دادڤانێن قاره‌مانى برێڤه‌دبر هاتن دابه‌شكرن.

ئه‌مژى ب ناڤێ راگه‌هاندن و راگریا په‌یمانگه‌هێ پیروزباهیێ ل سه‌ركه‌فتیێ ئێكێ و دووێ دكه‌ین و دخازین هه‌ر سه‌ركه‌فتیبن.

راگه‌هاندنا په‌یمانگه‌هێ