نوینەرێن زانکۆیێ پشکدارى د روینشتناTVET2 دا کر


2022-03-06 08:21:09

نوینەرێن زانکۆیێ پشکدارى د روینشتناTVET2  دا کر

ب ئامادەبونا نوینەرێن خواندنا بلند و ڤەکولینێن زانستى و وەزارەتا پەروەدێ و نوینەرێن وەزارەتا کار و کاروبارێن کومەلایەتى و نوینەرێن کەرتێ تایبەت و تیمێن لیکوینا بازارێ کارى ل دهۆک و هەولێرێ و رێکخراوا یونسکو  ب هەفپشکی دگەل حکومەتا عیراقا فیدرال و هەرێما کوردستانێ و ب سپونسەریا ئێکەتیا ئوروپی ل رێکەفتى 6/3/2022 روینشتنەکا ڤەکرى رێکخست.

 

ب مەرەما پشکداریکرنێ د ڕوونشتنا پێشکێشکرنا دەرئه‌نجامێن لێکۆلینا بازارێ کاری یێن سێکتەرێن چاندنێ ل دهۆک و هه‌ولێرێ نوینەرێن زانکۆیا پۆلیتەکنیکى یا دهۆک هەر ئێک ژ( د. مێهڤان ابراهیم) سەروکێ پشکا رەزگەرى ل کولیژا تەکنیکى ئاکرێ، (د. شیروان نصطفى) رێڤەبەرێ پەیوەندیێن نێڤدەولەتى ل سەروکاتیا زانکۆیێ و (م. بیوار سلیمان) رێڤەبەرێ سەنتەرێ گەشەپێدان بۆ کارى پشکدارى دئەڤێ روینشتنێ دا کر

د ئەڤێ روینشتنێ دا لێکۆڵینا بازارێ کارى (LMS) تەکەزى ل سەر قۆناغا دووێ یا پڕۆژه‌یێ چاکسازییا په‌روه‌رده‌ و مەشقدانا پیشه‌یی یا ته‌کنیکی (TVET2) بۆ ئەنجامدانا ڤەکۆڵینێن دیڤچوونێ یێن بازارێ کارى د چوار سێکتەران دا: چاندن، ئاڤاکرن، گەشتیارى و مێهڤاندارى، و ته‌کنۆلۆژیا ئاگاهداری و ڕاگەهاندنێ کر، و بو ئەڤێ مەرەمێ (د. شیروان مصطفى) رێڤەبەرێ پەیوەندیێن نێڤدەولەتى ل زانکۆیا پۆلیتەکنیکى یا دهۆک سمینارەک پێشکێکشرک ل سەر دەرئەنجامێن لێکولینا بازارێ کارى ئەوژى پشتى چافثێکەفتن دگەل (58) خودان کارێن بوارێ کشتوکالى کرى.

ئەف پروژە دێ دێ ئەڤان بابەتێن دیارکرى ل هەر شه‌ش پارێزگه‌هێن: دهۆک وهه‌ولێر (چاندن)، نینه‌وا (ئاڤاکرن)، که‌ربه‌لا (گەشتیارى و مێهڤاندارى)، به‌سرا و به‌غدا (ICT)  بخوڤە گریت.

ل دویماهیێ ئەڤێ روینشتنێ دەرگەهێ گەنگەشەکرنێ هاتە ڤەکرن و ئامادەبویان ژى پرسیار و بوچون و دیتنێن خو دانە دیارکرن ل سەر دەرئه‌نجامێن لێکۆلینا بازارێ کاری یێن سێکتەرێن چاندنێ.

© Copyright Duhok Polytechnic University (DPU) - All Rights Reserved

Website Admin: Sarbast Ali