قارەمانیەکا توپا پێ بو قوتابیێن کولیژ و پەیمانگەها تەکنیکى ئاکرێ هاتە ڤەکرن


لژێر چاڤدێریا بەرێز ( د. دلدار فرزندە زبیر ) راگرێ کولیژا تەکنیکى ئاکرێ و بەرێز (پ. د. منهل الهام عبدال) راگرێ پەیمانگەها تەکنیکى ئاکرێ،برێڤەبەریا هوبا وەرزشی ل کولیژ و پەیمانگەها تەکنیکى ئاکرێ قارەمانیەکا توپا پێ بو هەمى پشکێن زانستى یێن کولیژ و پەیمانگەها تەکنیکى ئاکرێ ڤەکر کو ژ ٢٦ تیما پێک دهێت.

ئەڤرو دووشەمبى رێکەفتى ٢٠٢٢/٢/٧ قارەمانیا توپا پێ یا کولیژ و پەیمانگەها تەکنیکى ئاکرێ ب ئامادەبونا بەرێز( د. شهاب احمد خضر ) هاریکارێ راگرێ کولیژا تەکنیکى ئاکرێ و هژمارەکا ماموستا و فەرمانبەر و قوتابیێن کولیژ و پەیمانگەها تەکنیکى ئاکرێ ل یاریگەها کولیژ و پەیمانگەهێ دەستپێکر.

ل یاریا دەستپێکا قارەمانیێ یاری دناڤبەرا هەردوو تیمێن کارگێرى کار قوناغا چوارێ و نەخوشەڤانى قوناغا دوویێ هاتەکرن و تیما کارگێری کار قوناغا چوارێ سەرکەفتن ل سەر تیما نەخوشەڤانى قوناغا دوویێ ب لێدانێن ئێکلاکرەوە ب سێ گولا بەرامبەر دوو گولا پشتى یارى ب وەک هەڤى ب دوماهیک هاتى ب ئەنجامێ دوو گول بو هەر لایەکى.

ل روژا چوارشەمبى رێکەفتى ٢٠٢٢/٣/٢٢ دوماهیک یاریا قارەمانیێ دناڤبەرا هەردو تیمێن IT کولیژ و IT پەیمانگەهـ هاتەکرن و د ئەنجامدا تیما IT کولیژ بیە قارەمانا قارەمانیا کولیژ و پەیمانگەها تەکنیکى ئاکرێ و ل دوماهیێ خەلات ل سەر سەرپەرشتێن قارەمانیێ و هەردوو تیمێن سەرکەفتى ژلایێ مێڤانێن ئامادەبوى هاتنە دابەشکرن.

راگەهاندنا کولیژا تەکنیکى ئاکرێ 

په‌یوه‌ندی


© Copyright Duhok Polytechnic University (DPU) - All Rights Reserved

Website Admin: Sarbast Ali