قاره‌مانيه‌كا ته‌پا پێ ل په‌يمانگه‌ها ته‌كنيكى يا ئامێديێ هاته ڤه‌كرن
لژێر چاڤدێريا پ.هـ.د.هكار زكى راگرێ په‌يمانگه‌ها ته‌كنيكى يا ئامێديێ، هوبا وه‌رزشى ل په‌يمانگه‌هێ رابوويه ب ڤه‌كرنا قاره‌مانييه‌كا ته‌پا پێ بو قوتابيێن هه‌مى پشكێن په‌يمانگه‌هێ يێن سپێده و ئێڤاران، كو ژ 10 تيمان پێك دهێت.
ئه‌ڤرو روژا سێ شه‌مبى رێكه‌فتى 1/3/2022 قاره‌مانيا ته‌پا پێ يا په‌يمانگه‌هێ ب ئاماده‌بوونا ماموستا بنار امين هاريكارێ راگرێ په‌يمانگه‌هێ و هه‌ژماره‌كا ماموستا و قوتابيێن په‌يمانگه‌هێ ل ياريگه‌ها غازى صديق يا ته‌پا پێ يا يانه‌يا وه‌رزشى يا ئامێديێ ده‌ستپێكر.
د ئێكه‌م روژا قاره‌مانيێ دا دوو يارى هاتنه كرن، دهێته چاڤه‌رێكرن هه‌ر رووژ دوو يارى بهێنه ئه‌نجامدان. ياريا ئێكێ دناڤبه‌را تيما ته‌كنوجيا زانياريان ئايتى ئێڤاران قوناغا ئێكێ و تيما كارگێرى گه‌شتيارى ئێڤاران هاته كرن و تێدا تيما كارگێرى گه‌شتيارى ئێڤاران ب 6 گولا به‌رامبه‌ر گوله‌كێ سه‌ركه‌فت ب سه‌ر تيما ته‌كنولوجيا زانياريان ئايتى ئێڤاران قوناغا ئێكێ.
هه‌روه‌سا ياريا دوويێ ژ قاره‌مانيێ دناڤبه‌را تيما كارگێرى كار قوناغا دوويێ و تيما كارگێرى كار ئێڤاران هاته كرن و تێدا تيما كارگێرى كار قوناغا دوويێ ب لێدانا په‌نه‌لتيان ب 4-3 گولا سه‌ركه‌فت ب سه‌ر تيما كارگێرى كار ئێڤاران .
راگه‌هاندنا په‌يمانگه‌هێ