هه‌وه‌كا دارچاندنێ ل په‌يمانگه‌ها ته‌كنيكى يا ئامێديێ هاته ئه‌نجامدان
په‌يمانگه‌ها ته‌كنيكى يا ئامێديێ ب هه‌ماهه‌نگى دگه‌ل هوبا دارستانێ ل ئامێديێ و دێره‌لوكێ ئه‌ڤرو روژا ئێك شه‌مبى رێكه‌فتى 27/2/2022 هه‌وه‌كا دارچاندنێ ب به‌شداربوونا پ.هـ.د.هكار زكى راگرێ په‌يمانگه‌هێ و به‌رێز فه‌وزى صالح به‌رپرسێ هوبا دارستانێ ل ئامێديێ و به‌رێز على خه‌مو به‌رپرسێ هوبا دارستانێ ل دێره‌لوكێ و ماموستا بنار امين هاريكارێ راگرى و هه‌ژماره‌كا زوور ژ ماموستا و فه‌رمانبه‌ر و قوتابيان ل په‌يمانگه‌ها ته‌كنيكى يا ئامێديێ هاته ئه‌نجامدان.
ژبو ژينگه‌هه‌كا پاقژ و ساخله‌م، هه‌روه‌سا ژبو پتر جوانكرنا ئاڤاهيێ په‌يمانگه‌هێ و گه‌شكرنا سيما و ريێ وێ يێ شارستانى و كه‌ش و هه‌وايه‌كێ پاقژ و ساخله‌م ئه‌ڤ هه‌وا دارچاندنێ دناڤ باخچه و ئاڤاهيێ په‌يمانگه‌هێ دا هاته ئه‌نجامدان و پترى 100 شتلێت دارا هاتنه چاندن.
ئه‌ڤ هه‌وه ب بريارا سه‌روكا زانكويا پوليته‌كنيكى يا دهوكێ، ب مه‌ره‌ما زێده‌كرنا رێژا كه‌سكاتيێ دناڤ هه‌مى كوليژ و په‌يمانگه‌هێن سه‌ر ب زانكويا پوليته‌كنيكى يا دهوكێ ڤه هاته ئه‌نجامدان.
راگه‌هاندنا په‌يمانگه‌هێ