سميناره‌ك ل دور هونه‌رێ سه‌ركردايه‌تيێ ل په‌يمانگه‌ها ئامێديێ هات پێشكێشكرن
ئه‌ڤرۆ رۆژا سێ شه‌مبي رێكه‌فتي 22/2/2022 به‌رێز عبدالعزيز محسن بارزانى سه‌روكێ ئينستتيوتا دهوك يا ره‌وشه‌نبيريا گشتى ل دهوكێ سه‌ره‌دانا په‌يمانگه‌ها ته‌كنيكى يا ئامێديێ كر و ژ لايێ راگرێ په‌يمانگه‌هێ ڤه هاته پێشوازيكرن، د ده‌مێ پێشوازيكرنێ دا سه‌رۆكێ ئينستتيوتێ چه‌ند په‌رتوكه‌ك وه‌ك ديارى پێشكێشي راگرێ په‌يمانگه‌هێ كرن.
پاشان ل هولا سميناران ل په‌يمانگه‌هێ، ب ئاماده‌بوونا پ.هـ.د.هكار زكى راگرێ په‌يمانگه‌ها ته‌كنيكى يا ئامێديێ و به‌رێز عبدالواحد هێتيتى كارگێرێ لقا 18 يا پارتى و هه‌ژماره‌ك زور ژ مێڤان و ماموستا و قوتابيێن په‌يمانگه‌هێ، به‌ريز عبدالعزيز محسن بارزانى سه‌روكێ ئينستتيوتا دهوك يا ره‌وشه‌نبيريا گشتى ل دهوكێ، سميناره‌ك ل دوور (هونه‌رێ سه‌ركردايه‌تيێ) پێشكێشكر.
د سمينارێ به‌رێزى به‌حسا هونه‌رێ سه‌ركردايه‌تيێ و چاوانيا ب رێڤه‌به‌رنا سه‌ركردايه‌تيا سه‌ركه‌فتى و جور و ئارمانجێن سه‌ركردايه‌تيێ كرن، ل دوماهيا سمينارێ ژى به‌رێزى به‌رسڤا پسيار و تێبينيێن به‌شداربوويان دا، پاشان دياريه‌ك تايبه‌ت ژلايێ پ.هـ.د.هكار زكى راگرێ په‌يمانگه‌هێ ب به‌ريز عبدالعزيز محسن سه‌رۆكێ ئينستتيوتا دهوك يا ره‌وشه‌نبيريا گشتى هاته دان.
راگه‌هاندنا په‌يمانگه‌هێ