رویدان

ئه‌ڤرو روژا ئێك شه‌مبى رێكه‌فتى 20/2/2022 ب ئاماده‌بوونا به‌رێز پ.هـ.د.هكار زكى راگرێ په‌يمانگه‌هێ، به‌رێز (عبدالواحد هێتيتى) كارگێرێ لقا 18 يا پارتى وبه‌رێز (عوسمان عبدالله‌) به‌رپرسێ لژنا ناوچا ئامێديێ و به‌رێز بيار عبيد به‌رپرسێ لقا ئامێديێ يێ ئێكه‌تيا قوتابيێن كوردستانێ و هه‌ژماره‌كه‌ زور ماموستا و قوتابيێن په‌يمانگه‌هێ، ئاهه‌نگا 18 شوباتێ سالروژا دامەزراندنا هه‌ردوو رێكخراوێن ئێكه‌تیا قوتابیێن كوردستانێ و لاوێن كوردستانێ ل پەیمانگەها تەکنیکی یا ئامێدیێ ب چه‌ند چالاكيه‌كان هاتە ساخكرن و پيروزكرن.

د ئاهەنگێ دا پەیڤا راگريا په‌يمانگه‌هێ و په‌يڤا لقا 18 يا پارتى و په‌يڤا ئێكه‌تيا قوتابیان لقێ ئامێديێ هاتنه‌ پێشكێشكرن، پاشان چەند به‌ريكانه‌ و هوزان و ستران د ئاهه‌نگێ دا هاتنه‌ پێشكێشكرن، هەروەسا شرینی ب سەر مێهڤان و ماموستا و فەرمانبەر و قوتابیان دا هاتنە دابەشکرن و ل دوماهیێ ژی ب ستران و گوڤەند و دیلانان ئاهەنگ ب دوماهی هات.

ئەم ژی ب ناڤێ راگریا پەیمانگەها تەکنیکی یا ئامێدیێ 18ی شوباتێ سالرۆژا دامه‌زراندنا ئێكه‌تیا قوتابیێن كوردستانێ و ئێكه‌تیا لاوێن دیموكراتا كوردستان ل هەمی کادرو ئەندام و لایەنگرێن هەردوو رێكخراوێن قوتابیان و لاوان ب تایبەت قوتابیێن پەیمانگەها مە پیروز دكه‌ین کو ئەڤە 69 سالن د مەیدانا خه‌بات و تێكوشینێدا بەردەوامە، دوبارە پیروزە.

راگەهاندنا پەیمانگەهێِ