رويدان

ل پەیمانگەها تەکنیکی کارگێری یا سەر ب زانکۆیا پۆلیتەکنیکی یا دهۆک ڤەیادا دامەزراندنا ئێکەتیا قوتابی و لاوێن کوردستانێ ل دەواما سپێدیان و ئێڤاران هاتە ساخکرن.

ئەڤرو پێنج شەمبی 17-2-2022ب بەرهەڤبوونا «پ.هـ.د. رجب ابراهیم»هاریکارێ سەرۆکا زانکۆیا پۆلیتەکنیکی یا دهۆک بو کاروبارێن قوتابیان، «پ.هـ.د. هادی خلیل اسماعیل» راگرێ پەیمانگەها تەکنیکی کارگێری و هەر وەسا پێشمان رەشید، بەرپرسێ لقا زانکۆ و پەیمانگەهان-دهۆک یا ئێکەتیا قوتابیان کوردستانێ و هژمارەکا ماموستا و فەرمانبەر و قوتابیێن پەیمانگەهـ و کولیژا تەکنیکی کارگێری ئاهەنگا 18 شوباتێ ب برگەیێن جودا هاتە ساز کرن.

ل دەستپێکا ئاهەنگێ ب پێشانگەهەک ژ وێنەیێن شەهیدێن قارەمان یێن شەرێ دژی تروریستێن داعش رێز ل گیانێ پاکێ شەهیدان هاتە گرتن. ل دویف دا قوتابی «توران عابد»پەیڤا لژنا ئێکەتیا قوتابیێن کوردستانێ یا کولیژ و پەیمانگەهێ پێشکێشکر.

پاشان راگرێ پەیمانگەها تەکنیکی کارگێری ب خيرهاتنا مێهڤانان کر و پەیاما پیروزباهیا خوە ژ لایێ راگریاکولیژ و پەیمانگەهێ پێشکێش کر و رولێ ئێکەتیا قوتابیان ل سەرئێخستنا شیانێن قوتابیان ل بارێن ئەكاديمی و زانستى بو پێشڤەبرنا سێكتەرێن ژیانێ ل كوردستانێ بەرز نرخاند.

پ.هـ.د. رجب ابراهیم ژ لایێ سەرۆکاتیا زانکۆیا پۆلیتەکنیک پیروزباهیێن خوە ئاراستەیی هەمو قوتابی کادر و ئەندام و لایەنگرێن هەردوو رێكخراوێن قوتابیان و لاوان کر و دا دیارکرن: ئێکەتیا قوتابیان هەر ژ روژا هاتیە دامەزراندن لسەر دەستێ بارزانیێ نەمر ل سالا(1953) تا نها خزمەتەکا باش پێشکێشی قوتابیان کریە و یا بویە قوتابخانەک بو ئاڤا کرنا کادرەکێ لێهاتی و پێشەنگ.

ل بەردەوامیا ئاهەنگێ دەرچویێن ئێکێ ل سەر ئاستێ پشکێن زانستی یێن پەیمانگەهێ هاتنە خەلات کرن و ب خواندنا چەندین هوزان ژ لایێ قوتابیان و گێرانا داواتێ داوی ب ئاهەنگێ هات.

راگەهاندنا پەیمانگەها تەکنیکی کارگێری دهۆک

@tia.duhok