وەزارەتا خواندنا بلند گرنگیێ بـ سەنتەرێن گەشەپێدان بو کارى ددەت


2022-02-17 02:16:02

وەزارەتا خواندنا بلند گرنگیێ بـ سەنتەرێن گەشەپێدان بو کارى ددەت

بمەرەما هەلسەنگاندنا کارێن سەنتەرێن گەشەپێدان بو کارى لـ زانکویێن هەرێما کوردستانێ و باشترلێکرنا كوالێتییا چالاکى و کارێن سەنتەران بو پتر خزمەتکرنا قوتابى و دەرچوویان، کومبونەک لـ وەزارەتێ هاتە ئەنجام دان.

 لروژا سێ شەمبى رێکەفتى 15/ 02/ 2022، و بـ سەرپەرشتیا د. خەتاب ئەحمەد رێڤەبەرێ گشتى یێ فەرمانگەها خواندن و پلاندانان و دیفچونێ، و بـ ئامادەبونا م. سیاکو سلێمان شێخو نوینەرێ رێکخراوا ئایرێکس، و رێڤەبەرێن سەنتەرێن گەشەپێدان بو کارىCDC لـ زانکۆیان، کومبونەک هاتە ئەنجام دان.

دکومبونێ دا هەلسەنگاندن بو کارێن چویى یێن سەنتەران و گەنگەشە لسەر کارێن بهێن هاتە کرن. لدەستپێکا کومبونێ، رێڤەبەرێ گشتى یێ فەرمانگەها خاندن و پلاندانان و دیفچونێ دپەیڤەکێ دا بگرنگى ئاماژە دا سەنتەرێن گەشەپێدان بو کارى لـ زانکۆیان و گوت: بیروبوچونێن وەزارەتێ لسەر سەنتەران ئەوە کو پتر بهێنە کاراکرن، چونکى ئێک ژ ئاریشەیێن سەرەکى یێن دەرچوو توش دبنێ پشتى تمامکرنا زانکۆیێ چاوانیا بدەستڤەئینانا دەلیڤەیێن کاری یە. سەنتەرێنCDC دشێن دەلیڤەیێن گرنگ بو دەرچوویان بەرهەڤ بکەن داکو شیانێن و شارەزایێن خو پێشبێخن و دەلیڤەیێن کارى بدەست خوڤە بینن.

 زێدەبارى ڤێ چەندێ د. خەتاب ئەحمەد راگەهاند: ژبو پتر گرنگیدان بـ سەنتەرێنCDC  وەزارەتا خوێندنا بلند وبـ پشتەڤانیا رێکخراوا ئایرێکس دێ نەخشە رێیەکا تایبەت دارێژیت بو کارێن بهێن یێن سەنتەران، و بو ڤێ مەرەمێ ژى ژنهو پێڤە وەزارەت برێیا رێڤەبەریەەکا تایبەت بـ سەنتەران ڤە دێ سەرپەرشتیا کارێن سەنتەران کەت.

هەروەسا ئامادەبویان گەنگەشە کر لسەر چاوانیا پێشخستنا پروگرامێن راهێنانێ یێن سەنتەران، پروگرامێ پێشخستنا شیانان لـ کەرتێ تایبەت Internship Program، و پەیکەرێ کارگێرى یێ سەنتەران، بو ڤێ مەرەمێ ژى بیروبوچوونێن ژێک جودا هاتنە پێشکێشکرن و چەند پێشنیارەک بو کارێن بهێن هاتنە دان.

 

© Copyright Duhok Polytechnic University (DPU) - All Rights Reserved

Website Admin: Sarbast Ali