نوینەرێ زانکویێ بۆ سکرتێرێ جڤاتا کەرتێ چاندنێ ل دھۆک و ھەولێرێ


2022-02-04 11:46:51

نوینەرێ زانکویێ بۆ سکرتێرێ جڤاتا کەرتێ چاندنێ ل دھۆک و ھەولێرێ

ب مەرەما چاکسازیکرنێ دخواندنا تەکنیکی و پیشەیی دا یێن قوناغا دووێ ژبۆ پشتەڤانیکرن و دامەزراندنا گەنجان و پەیداکرنا دەرفەتێن کاری یێن زێدەتر بۆ دەرچویێن پشکێن چاندنێ یێن زانکۆ و پەیمانگەھان، رێکخراوا یونسکو ل روژا پێنچ شەمبی رێکەفتی ٢٠٢٢⁄٢⁄٣ ئێکەم کومبون دگەل نوینەرێن ھەر ئێک ژ زانکۆیێن پۆلیتەکنیکی یێن دھۆک و ھەولێر و ھەروەسا سێ نوینەرێن ئامادەیێن چاندنێ و نوینەرەکێ سەنتەرێ راھێنانێن پیشەیی دھۆک و دوو نوینەرێن کۆمپانیێن مەزن یێن چاندنێ هةوليرێ ئەنجامدا

د ئەفێ کومبونێ دا نوینەرێ زانکویا پولیتەکنیکی یا دھۆک پشکداری د پروژێ چاکسازی یا خواندنا تەکنیکی و پیشەیی یێ جڤاتا کەرتێ چاندنێ دا کر و وەک سکرتێرێ کەرتی ھاتە ھەلبژارتن.

(د. مێڤان ابراھیم باپیر) ماموستایێ زانکۆیا پۆلیتەکنیکی یا دھۆک و سەرۆکێ پشکا رەزگەری ل پەیمانگەھا تەکنیکی ئاکرێ ب پتریا دەنگێن جڤاتێ وەک سکرتێرێ جڤاتا کەرتێ چاندنێ ل ھەر دوو پاریزگەهێن دھۆک و هەولێرێ ھاتە داستنیشانکرن پشتی شیایی دئێکەم کومبونا رێکخراوا یونسکۆ دا پتریا دەنگان بدەستخوڤە بینیت.

دھێتە زانین ئەف پروژە دێ بۆ دەمێ سێ سالا ڤەکێشیت و سپونسەریا دارایی دێ ژلایێ رێکخراوا یونسکۆ ڤە بۆ ھێتە کرن.

© Copyright Duhok Polytechnic University (DPU) - All Rights Reserved

Website Admin: Sarbast Ali