رويدان

ب ئامادەبوونا تیمەکا گەروک ژ رێڤەبەریا ساخلەمیا پارێزگەها دهۆکێ،هەوا ڤاکسیندانا قوتابی، ماموستا و فەرمانبەرێن پەیمانگەهێ هاتە ئەنجام دان.

ژێر چاڤدێریا(پ.هـ.د هادی خلیل اسماعیل) راگریا پەیمانگەهێ و بەرهەڤبوونا «ماموستا رێڤینک محمد سلیم» هاریکارێ راگری و سەرپرشتیا هوبا تەندروستی و سلامەتی  و هەڤکاریا لژنا ئێکەتیا قوتابیێن پەیمانگەهێ، ئەڤرو سێ شەمبی1-2-2022  هەژمارەکا قوتابی، ماموستا و فەرمانبەران ڤاکسینا کرونای وەرگرت.

(دلدار بشیر سعدی) سەرپرشتێ تیما گەروک یا رێڤەبەریا گشتی یا ساخلەمیێ بو مە دا دیار کرن کو ئارمانج ژ ڤان تیمێن گەروک ئەوە ڤاکسین ب شێوازەکێ هەوپشک  و هەفسەنگ بگەهیتە هەموو وەلاتیێن پارێزگەهێ تا بشێین ب دانانا ڤاکسینێ و پێگیری ب رێنمایێن تەندروستی، ڤێ قوناغا دژوار دەرباز بکەین.

 هەر وەسا (خانم زینب حسین احمد) بەرپرسا هوبا تەندروستی و سلامەتیا پەیمانگەهێ ژی  بو مە دیار کر کو پتر ژ 90 کەسان ئەڤرو ڤاکسین یا دانای و ب خوشحالی ڤە هەموو ستافێن پەیمانگەهێ ژمێن ڤاکسینا خوە یێن وەرگرتی و ئەو ماموستا و فەرمانبەرێن ئەڤرو ڤاکسین دانای قورچا دوێ یان یا سێ بو.