رويدان

ئەڤرو سێ شەمبی 1-2-2022 ئەزموونێن دوماهیا سێمستەرێ ئێکێ ل پەیمانگەها تەکنیکی کارگێری یا سەر ب زانکۆیا پۆلیتەکنیکی یا دهۆک دەستپێکر.

 ب بەرهەڤبوونا راگرێ پەیمانگەهێ بەرێز (پ.هـ.د هادی خلیل اسماعیل) و لژنا سەروکاتیا زانکۆیا پۆلیتەکنیکی یا دهۆک و هەروەسا  چاڤدێریا لژنا ئەزموونا یا پەیمانگەهێ،ئێکەم ئەزموونا قوتابیێن قوناغا ئێکێ هاتە ئەنجام دان.

هەر وەسا ب مەرەما بجێهـ ئینانا رێنمایێن تەندروستی و ب کارئینانا ماسکێ ژ بو خو پاراستن ژ ڤایروسێ کورونایێ د ناڤا هولێن ئەزموونا، هوبا تەندروستی یا پەیمانگەهێ چاڤدێریا قوتابییان کر و ماسک ل سەرقوتابیان دابەش کرن.

راگرێ پەیمانگەهێ بو مە دا دیار کرن کو قوتابی ژ پشکێن کارگێری کار، سیستەمێ زانیاری و کارگێری، ژمێریاری، ل دەواما سپێدەهیان و ئێڤارن بو ماوێ دو هەفتییان ئەزموونێن خوە ب داوی دێ ئینن و پێدڤیە قوتابی ل دەمێ ئەزموونا هەموو رێنمایێن تاقیکرنێن دوماهیا سمستەری ب دروستی جێبەجێ بکەن و پێگیری ب رێنمایێن تەندروستی ژی بکەن و ل داویێ بو قوتابیان داخازا سەرکەفتن و ئەنجامێن باش کر.