سمیناره‌ك ل دوور چاوانیا هه‌لسه‌نگاندنا ماموستایان ژ لایێ قوتابیان ڤه ل په‌یمانگه‌هێ هاته پێشكێشكرن
ئه‌ڤرو روژا چار شه‌مبى رێكەفتی 5/1/2022 ب ئاماده‌بوونا پ.ه.د.هكار زكى راگرێ په‌یمانگه‌هێ و ماموستا بنار امین هاریكارێ راگرى و هه‌ژماره‌كا زور ژ قوتابیێن په‌یمانگه‌هێ، سمینارەک لژێر ناڤ ونیشانێ (Should Students Evaluate Their Teachers ?) ل هولا په‌یمانگه‌هێ هاته پێشكێشكرن، ل ده‌ستپێكا سمینارێ راگرێ په‌یمانگه‌هێ د په‌یڤه‌كێ دا بو قوتابیێن قوناغا ئێكێ رێنما و پره‌نسیپێن په‌یمانگه‌هێ و سالا نوو پێشكێشكرن.
سمینار ژ لایێ بنكا دڵنیایی جوری یا په‌یمانگه‌ها ته‌كنیكى یا ئامێدیێ هاتبوو رێكخستن و ژ لایێ هه‌ردوو ماموستایان (حامد أكرم سليمان و حاجی عثمان حاجى) لـ هولا په‌یمانگه‌هێ بو قوتابیێن قوناغا ئێكێ هاته پێشكێشكرن، د سمینارێدا به‌حس لـ پێدڤی و گرنگیا بەشدارییا قوتابییان د پروسه‌یا هه‌لسه‌نگاندنا ماموستایان دا هاتە کرن، د تەوەرەکێ دیدا ئاماژە بـ چاوانیا ئەنجامدانا پروسێسێ هاتە کرن، هەروەسا چاوانیا خال و ئاستێن هەلسەنگاندنێ هاتە شروڤه‌کرن. مه‌ره‌م و ئارمانج ژ سمینارێ بو دیارکرنا مفایێ (Feedback) ـێ قوتابییان بو، هەروەسا سود و مفایێ بەشدارییا هەمی قوتابییان دپروسێسێدا هاته به‌حسكرن و شروڤه‌كرن، داكو هەلسەنگاندنەکا بابەتیانە بهێتە ئەنجامدان. راگه‌هاندنا په‌یمانگه‌هێ