په‌یمانگه‌ها ئامێدیێ مه‌زنترین ئالایێ كوردستانێ ل سه‌ر كه‌لهه‌كا پێشمه‌رگه‌یان ل مه‌تینى بلندكر
په‌یمانگه‌ها ته‌كنیكى یا ئامێدیێ روژا ئالایێ كوردستانێ ل ناڤا پێشمه‌رگه‌یان ل سه‌رێ ئامێدیێ ل چیایێ بشێشى (مه‌تینا) پیروز و بلند راگرت و ئالایێن كوردستانێ پێشكێشى پێشمه‌رگه‌یان كرن
ب هه‌لكه‌فتا روژا ئالایێ كوردستانێ هه‌ژماره‌ك ژ ماموستا و فه‌رمانبه‌ر و قوتابیێن په‌یمانگه‌هێ ب سه‌رپه‌رشتیا (م. بنار امین) هاریكارێ راگرێ په‌یمانگه‌ها ته‌كنیكى یا ئامێدیێ سه‌ره‌دانا كه‌لهه‌كا پێشمه‌رگه‌یان ل سه‌رێ ئامێدیێ كر و ژ لایێ پێشمه‌رگه‌یێن كوردستانێ ڤه هاتنه پێشوازیكرن.
ل ده‌ستپێكێ ئالایه‌كێ مه‌زن یێ كوردستانێ ل سه‌رێ كه‌لها پێشمه‌رگه‌یان ل چیایێ بشێشى (مه‌تینا) هاته بلندكرن و هه‌لاویستن، كو بو جارا ئێكێ یه ئالایه‌كێ هنده مه‌زن ل سه‌ر چیایێ مه‌تینا دهێته بلندكرن، پاشان ماموستا بنار د په‌یڤه‌كێ دا روژا ئالایێ كوردستانێ ل پێشمه‌رگه‌یان پیروزكر و ده‌ست خوشى ل وان كر بو كار و ئه‌ركێ وان یێ پیروز بو پاراستنا خاك و ئالایێ كوردستانێ، هه‌روه‌سا پێشمه‌رگیان ژى سوپاسیا په‌یمانگه‌ها ته‌كنیكى یا ئامێدیێ كر كو سه‌ره‌دانا وان كرى و مورالا وان بلندكرى د پاراستنا ئاخ و ئالایێ كوردستانێ دا، ل دوڤدا ژى فه‌رمانبه‌ر و قوتابیێن په‌یمانگه‌هێ ئالایێن كوردستانێ پێشكێشى پێشمه‌رگه‌یێن كوردستانێ د چه‌په‌رێن به‌ره‌ڤانیێ داكرن و سوپاسیا وان كرن كو گیانێ خو ژ پێخه‌مه‌ت پاراستنا سه‌رو و مال و ئاخا كوردستانێ دكه‌نه قوربانى و وه‌لاتێ مه ژ هه‌ر هێرش و داگیركرنه‌كێ دپارێزن.
هه‌ژى گوتنێ یه كو روژا 17/12 وه‌ك روژا ئالایێ كوردستانێ ب فه‌رمى ژ لایێ په‌رله‌مانێ كوردستانێ ڤه هاتیه دیاركرن و هه‌مى سالان ئه‌ڤ روژه ل هه‌مى دام و ده‌زگه‌هێن حكومى و حزبى یێن هه‌رێمێ و هه‌روه‌سا ل گه‌له‌ك ناڤه‌ند و جهێن گشتى ل ده‌رڤه‌ى هه‌رێمێ ژى دهێته ساخكرن و ئالایێ كوردستانێ دهێته بلندكرن و چه‌ندین چالاكى بڤێ هه‌لكه‌فتێ دهێنه گێران.
هه‌ر به‌رز و بلندبیت ئالایێ كوردستانێ.
قه‌تران محمد
به‌رپرسێ راگه‌هاندنا په‌یمانگه‌هێ