پروگرامێ رێکخراواIREX یێ خاندنا بلند هاتە برێڤەبرن


2021-12-14 06:31:41

ب ئامادەبونا (پ. ه. د. ئارى عادل) سەرۆکا زانکۆیا پۆلیتەکنیکى یا دهۆک وژمارەیەکا سەروک و هاریکارێن سەروکێن زانکۆیان بۆ کاروبارێن زانستى یێن زانکۆیێن و نوینەرێن وەزارەتا خواندنا بلند و ڤەکولینێن زانستى و رێڤەبەرێن پەیوەندیێن نێڤدەولەتى ل زانکۆیێن هەرێما کوردستانێ ئەڤرو روژا سێ شەمبى رێکەفتى ١٤/١٢/٢٠٢١ پروگرامێ رێکخراوا IREX یێ خواندنا بلند ب رێکا ئونلاین هاتە برێڤەبرن

 

د ئەڤێ کومبونێ دا چوار تەوەرێن گرنک هاتنە گەنگەشەکرن ژبو باشتر برێڤەچوونا پێنگاڤێن کارێ رێکخراوێ بۆ سالا نوى یا زاینى کو پێک هاتیبون ژ پشتەڤانیکرنا سەنتەرێن ڤەکولینان، پروگرامێن پیشەى و تەکنیکى، جێبەجێکرنا ڤەکولینێن تایبەت ل سەر گورانکاریێن سەقایى و گەشەپێدانا پروگرامێن خواندنێ ل دویف پێدڤێن بەشێن زانستى، هەروەسا تیما رێکخراوێ داخواز ژ ئامادەبویان کر کو ل رێکەفتى ١٢/١٦کومبونەکێ دگەل ماموستایێن زانکۆیان ئەنجام بدەن ل سەر دانە نیاسینا هەر چوار تەوەرێن هاتینە گەنگەشەکرن و ل ریکەفتى  ١٢/٢٣ رێکێن پێشکێشکرنا پروپوزەلان بۆ ماموستا و ستافێ زانکۆیان شرۆڤەبکەن، و دووماهیک ژڤان بۆ وەرگرتنا پروپوزەلان دێ رێکەفتى ٢٠٢٢/١/١٨ 

تیینى// هەر ماموستایەکێ زانکۆیا پۆلیتەکنیکى یا دهۆک حەزا پشکداریکرنێ هەبیت دشێت پەیوەندیێ ب رێڤەبەریا پەیوەندیێن نێفدەولەتى بکەت ب رێکا ئەڤى ئیمێلى : [email protected] ب مەرەما پشکداریکرنێ

© Copyright Duhok Polytechnic University (DPU) - All Rights Reserved

Website Admin: Sarbast Ali