رويدان

ژێر چاڤدێریا وەزیرێ خواندنا بلند و ڤەکولینێن زانستی بەرێز «د.ئارام محمد قادر» رێورەسمێن ئاهەنگا دەرچوونا گەرا هەشت و نەهـ یا قوتابیێن پەیمانگەها تەکنیکی کارگێری دهۆک یا سەر ب زانکۆیا پۆلیتەکنیکی یا دهۆک ب رێڤە چوو،

روژا سێ شەمبی 2021-12-7 ژێر دروشمێ زانست شەنگەستێ وەلاتیە و ب ئامادەبوونا سەرۆکا زانکۆیا پۆلیتەکنیکی یا دهۆک «د. ئاری عادل عبدالقادر » د گەل راگرێ پەیمانگەهێ «د.هادی خلیل اسماعیل» و جڤاتا زانکۆیێ و ژمارەکا بەرپرسێن حکومی و حزبی ئاهەنگا دەرچوونا 31 و 32 یێن قوتابیێن پەیمانگەهێ ل هولا کونفرانسا یا زانکۆیا دهۆک هاتە گێران.

دپەیڤەکێدا سەرۆکا زانکۆیێ پیرۆزباهی ل دەرچوویێن پەیمانگەهێ و کەسوکارێن وانکر و رۆلێ گرنگێ زانکۆیێ دپێگەهاندنا مرۆڤی و ئاڤاکرنا کەسانێن ئاکادیمی بلند نرخاند، ئاماژە ب رۆلێ دەرچوویان دخزمەتکرنا گەل و وەلاتیدا ب رێیێن زانستی و جودا جوداکر و هیڤیا سەرکەفتن و بەرەف پێشڤەچوونێ بۆ دەرچوویێن پەیمانگەهێ خواست.

ل وان هەر دوو گەرێن دەرچوونێ  (1284) قوتابیان ژ پشکێن کارگێری کار، کارگێری پەرەستاری، ژمێریاری، تەکنولوژیا راگەهاندن و سیستەمێ زانیاری و کارگێری، پشتی خواندنا سیندا گشتی ژ لایێ سەرۆکا زانکۆیێ ڤە باوەرناما دبلوما تەکنیکی پێ هاتە بەخشین.

راگەهاندنا پەیمانگەها تەکنیکی کارگێری_دهۆک