8353قوتابیێن زانکۆیا پۆلیتەکنیکى یا دهۆک دەرچوون


8353قوتابیێن ژ زانکۆیا پۆلیتەکنیکى یا دهۆک دەرچوون

ب چاڤدێریا(د. ئارام محمد قادر) وەزیرێ خواندنا بلند و ڤەکولینێن زانستى گەرا هەشتێ و نەهێ یا ئاهەنگا دەرچوونا قۆتابیێن زانکۆیا پۆلیتەکنیکی یا دهۆکێ لژێر دروشمێ (زانست شەنگستێ وەلاتی یە) ل هولا کونفرانسان هاتە گێران.

ئەڤرو روژا سێ شەمبى رێکەفتى 7/12/2021  و د رێورەسمەکێ ژ هەژى دا و ب ئامادەبوونا وەزیڕێ خواندنا بلند و ڤەکولینێن زانستى و پارێزگارێ دهۆکێ و بریکارێ وەزارەتێ و راوێژکارێن وەزارەتێ و ئەندامێن پەرلەمانێ عیراقێ و یێن کوردستانێ و سەرۆک زانکۆیێن پارێزگەها دهۆکێ و رێڤەبەرێن گشتى و رێڤەبەر و بەرپرسێن دام و دەزگەهێن حکومى و حزبى ل دهۆکێ و هژمارەکا کەسایەتى و ریهـ سپى و ماقیلێن دەڤەرێ، ئاهەنگا گەرا (8 و 9) ێ بۆ 8353 دەرچوویێن زانکۆیا پۆلیتەکنیکى یا دهۆک یێن خواندنا سپێدە و ئێڤاران ل دوو دەمێن ژێک جودا بۆ دەرچویێن کولیژا تەکنیکى کارگێرى و پەیمانگەها تەکنیکى کارگێرى دهوک و کولیژا تەکنیکى ئەندازیارى دهۆک و پەیمانگەها تەکنیکى دهۆک هاتنە برێڤەبرن

ل دانێ سپێدێ دەرچویێن کولیژا تەکنیکى کارگێرى و پەیمانگەها تەکنیکى کارگێرى دهوک رێورەسمێن ئاهەنگا خو گێران و ل دانێ ئێڤارى قوتابێن کولیژا تەکنیکى ئەندازیارى دهۆک و پەیمانگەها تەکنیکى دهۆک ئاهەنگا دەرچونا خۆ گێرا و پێشتر ئاهەنگێن دەررچوونا قوتابێن مولیژ و پەیمانگەهێن تەکنیکى یێن دهوک، زاخۆ، ئاکرێ، بەردەرەش و ئامێدیێ یێن سالێن خواندنێ (20192020) و(20202021) هاینە گێران و سباهێ دێ ئاهەنگا دووماهیک ئاهەنگا درەچوونا قوتابیێن زانکۆیا پۆلیتەکنیکى یا دهۆک بو قوتابیێن دەرچویێن کولیژ و پەیمانگێن تەکنیکى شێخان و شنگال هێتە برێڤەبرن و ب ئەڤى ئاهەنگا دووماهیێ دێ سەرجەمێ گشتى یێ دەرچویێن زانکوۆیا پۆلیتەکنیکى یا دهۆک بیتە 8353دەرچوو کو ژ کولیژ و پەیمانگەها تەکنیکى یێن دهوک و زاخۆ ئاکرێ و بەردەرەش و ئامێدیێ و شێخان و شنگال بۆ سالێن خواندنێ (20192020) و(20202021) دەر دچن.

پشتى رێز ل گیانێ شەهیدان هاتیە گرتن و چەند ئایەتێن قورئانا پێروز هاتینە خواندن،

سەرۆکا زانکۆیا پۆلیتەکنیکى یا دهۆک (پ. ھ. د. ئاری عادل) د پەیڤەکێ دا پیروزباهیا قوتابیان کر و سوپاسیا ئامادەبویێن دناف ئاهەنگا دەرچوونێ دا ئامادەبووین کر و چەند رونکرنەک ل دور ئامارێن قوتابیان و ستاڤێ زانکویێ دیارکرن هەروەک د ئەڤى لینکى دا دیار

https://www.youtube.com/watch?v=f9OtTy-d_J8

و ل دووماهیێ سەرۆکا زانکۆیێ دەست خوشى خێزان و ماموستایێن دەرچویان کر و گوت: هیڤى خوازین دەرچووێن مە پشتبەستنێ ب شیانێن خو یێن کەسایەتى بکەن بۆ ڤەدیتنا دەلیڤەیێن کارى چونکى پرانیا دەرچویێن مە پیشەینە و دەلیڤەیێن باش یێن کارى دبوارێ پیشەیى دا هەنە و ژبەر ئەڤێ چەندێ دبێژمە هەوە نەمینە ل هیڤێا دامەزراندنێ چونکى هەوە پاشەروژەکا گەش یا هەى بۆ ئاڤاکرن و پێشڤەبرنا گەل و وەلاتى، و پیروزباهیێ ل گشت دەرچوویان و خێزانێن وان دکەین کۆ براستى ژى رەنج و زەحمەتەکا مەزن دیتیە هەتا کور و کچێن خۆ گەهاندینە ئەڤێ روژێ، هەروەسا پێدڤیە نەهێتە ژبیرکرن کو ماموستایان ژى رولەکێ باش و کاریگەر مینا خێزانێن دەرچویان هەبویە د پێگەهاندنا ئەڤان دەرچویان دا هەبویە و هەر دیسان رولێ ئێکەتیا قوتابیێن کوردستانێ ژى یێ دیار و بەرچاڤە دچالاکیێن زانکویێ دا و هەردەم پشتەڤان و هاریکارن بو داخوزکرنا مافێن قوتابیان و رێکخستنا کاروبارێن قوتابیان.

و دیڤدا و داخواز ژ وەزیرێ خواندنا بلند کر ژبو پێشکێشکرنا پەیڤەکێ، و ژلایێ خوڤە وەزیرێ خواندنا بلند و ڤەکولینێن زانستى (د. ئارام محمد قادر) د پەیڤەكی دا پرۆژێ دارێژتنا ستراتیجی یا خواندنا پیشەیی و تەکنیکى ل هەرێما کوردستانێ و دروستکرنا سیستەمەکێ پێشکەفتى بۆ دیفچوون و پشتەڤانیکرن و هاریکاریکرنا دەرچوویان، هەروەسا دروستکرنا ناڤەندەکا هەفپشک ب هەماهەنگى یا وەزارەتێ و زانکۆ و کومپانیێن کەرتێ تایبەت بۆ وێ چەندێ بشێن دەرفەتێن راهێنان و گەشەپێدانێ بۆ قوتابی و دەرچووان برەخسینیت، و دروستکرنا سیستەمەکێ پێشکەفتى بۆ بۆ ڕوپێڤانا بەردەوام و سالانە پێدڤیێن بازارێ کارى وئەف پروژێن گرنگ بون کو وەزیرێ خواندنا بلند وڤەکولینێن زانستى د رەورەسمێن ئەڤێ ئاهەنگێ دا راگەهاندن، و چەندین بابەتێن دی یێن گرن بەحسکرن هەر وەک دئەڤى لینکى دا دیارکرى

https://www.youtube.com/watch?v=CblrjVNShZw


ل دویف دا پەیڤا دەرچوویان ژلایێ (پیشمان رشید) ڤە هاتە خواندن و داخاز ژ حكومەتا هەرێما كوردستانێ‌ هاتە كرن كو دووبارە دەرگەهێ دامەزراندنێ ل بەر دەرچوویان بهێتە ڤەکرن ، و ل دووماهیا رێورەسمان ژی سویندا پشکێن پزیشکى ژلایێ ( پ. ه. د. صلاح عبدال عزو ) هاریکارێ سەرۆکا زانکۆیا پۆلیتەکنیکى یا دهۆک بو کاروبارێن کارگێرى و داریى ڤە هاتە خواندن و سویندا پشکێن گشتى ژى ژلایێ ( پ. ه. د. رجب ابراهیم حمید) هاریکارێ سەرۆکا زانکۆیا پۆلیتەکنیکى یا دهۆک بو کاروبارێن قوتابیان  ڤە هاتە خواندن رێورەسمێن داخوازکرنا پێدانا باوەرنامێن بکالوریوس و دبلوما تەکنیکى برگێن دووماهیێ‌ بوو كو (راگرێن کولیژا تەکنیکى ئەندازیارى دهۆک و کولیژا تەکنیکى کارگێرى دهۆک و راگرێ پەیمانگەها تەکنیکى دهۆک و راگرێ پەیمانگەها تەکنیکى کارگێرى دهۆک) داخواز ژ (پ. ھ. د. ئاری عادل) سەرۆكا زانكۆیێ‌ كرین باوەرنامێن بکالوریوس و دبلوما تەکنیکى پێشكێشی دەرچوویان بكەت و سەرۆكا‌ زانكۆیێ‌ ژی هەر ئێک و لدویف بسپوریا وى باوەرنامە پێ بەخشى.

© Copyright Duhok Polytechnic University (DPU) - All Rights Reserved

Website Admin: Sarbast Ali