وورکشۆپا خەمڵاندن، حوکمڕانی، کوالیتیێ، لێپرسین و رێكارێن ئه‌زموونگه‌ریێ و چاکسازیێ ل زانکۆیێن کوردستانێ دەست ب كارێ خو کڕ


2021-11-29 05:07:44

وۆرکشۆپا خەمڵاندن، حوکمڕانی، کوالێتی، لێپرسین و رێكارێن ئه‌زموونگه‌ریێ و چاکسازیێ ل زانکۆیێن کوردستانێ دەستى ب كارێ خو کڕ

ب چاڤدێریا د. ئارام مه‌حمه‌د قادر وەزیرێ خواندنا بلند و ڤه‌كولینێن زانستى، وۆرکشۆپا (خەمڵاندن، حوکمڕانی، کوالێتی، لێپرسین رێكارێن ئەزمونگەریێ و چاکسازیێ لە زانکۆیێن کوردستانێ) بئامادەبونا ژمارەكا ژ ڕاوێژکار و سەرۆک زانکۆیان و رێڤه‌به‌ریێن گشتی ل دیوانا وەزارەتێ و سەرپەرشتیار و به‌رپرسێن ڕێکخراوا (UNIMED) یا ئیتاڵی دەست بکارێن خوە کڕ. دئەڤێ وۆرکشۆپێ دا،

ئه‌وا ئه‌ڤرو دووشەمبى ڕێکەفتی ٢٩/١١/٢٠٢١ ل هۆڵا سه‌نتەرێ ڕه‌ۆشه‌نبیرى و جڤاكی یێ زانکۆیا سەڵاحەدین ل هەولێرێ ب ئامادەبۆنا نوینەرێن زانکۆیا پۆلیتەکنیکی یا دھۆک ب سەرۆکاتیا (پ. هـ. د. ئارى عادل) و ب ئەندامەتیا ھەر ئێک ژ (پ. هـ. د. مه‌سعود عه‌بدولكه‌ریم) و (پ. هـ. د. زیره‌ك عه‌زیز) و (م. كارزان عونى) و (محمد عبدالقادر) و(بارین هڤال) روژا ئێکێ یا وورکشۆپێ ھاتە برێڤەبرن

ل ده‌ست پێكێ چەند گوتار هاتنه‌ پێشکێشكرن، دئەڤى بیاڤى دا (د. محمد حسین احمد) سەرۆکێ دەزگەهێ سەرپەرشت و دڵنیا جۆری ل دیوانا وەزارەتێ گوتاره‌ك پێشکێشکر، پشتى بخێرهاتنا مێهڤانێن کۆنفرانسی کری، بناڤێ وەزیرێ خواندنا بلند و ڤه‌كولینێن زانستى دەست خۆشى ل ڕێکخراوا (UNIMED) ئیتاڵی كر ژبۆ هەماهەنگیا وان وهاریكاریا وان دبوارێ چاکسازیێ و پێشڤه‌برنا پڕۆسەیێ و سیسته‌مێ ب رێڤه‌چوونا خواندنا بلند ل زانکۆیێن کوردستانێ. د بەشه‌کێ دی یێ گوتارا خودا، ب گرنگى به‌حسێ وۆرکشۆپێ کر و گوتى: ئەڤ پڕۆژەیە بهایه‌كێ تایبەت لەسەر بەرزکرنا شیانێن ژێده‌رێن مرۆڤى هەیە، هەروەکى ته‌كید ل چاکسازیا بۆ سیسته‌مێ خوێندنا بلند ناڤخوی ب رێكا جێبەجێکرنا پرۆسەیا بۆلۆنیا دكه‌ت، ژبلى ڤێ چه‌ندێ پلاندانانا ستراتیچی و برێڤه‌برنا دامەزراویێن خوێندنا بلند خاڵه‌كا دی یا گرنگه‌ کۆنفرانسیه‌، ڕاگەهاند: وەزارەت هەمى بزاڤێن دكه‌ت بۆ باشترکرنا سیسته‌مێ خوێندنا بلند ل کوردستانێ. دبەشه‌کێ دی یێ گوتارا خو دا ، د.محه‌مه‌د حسێن گوتى: حوکمڕانی د پەروەردەدا رامانا پرۆسەیا دووبارە بنیات دانانایه‌ و چه‌وانیا ئەنجامدانا چالاکیا و فێرکرنێ. ژبه‌ر ئەڤێ چه‌ندێ حوکمڕانیا باش بریتییە ژ کۆمەكا بەرپرسیارتیان و ڕێکارێن ڕاهێنان لەلایەن دامەزراوەكان یان حکومەته‌كه‌ بۆ دابینکرنا ئاراستەیێ ستراتیچی بۆ پشت راستكرنێ دئارمانجێن فێرکرنێ، ئه‌و ژى ب ڕێكا بکارئێنانا كارتێكرن و ژێده‌رێن و لێپرسینێ و بەشداریا خەڵکی دبڕیاردانێ دا دی هێته‌ ب جهـئینان.

سەبارەت بەکواڵیتى خواندنێ سەرۆکێ دەزگاهێ سەرپەرشت و دڵنیایی جۆری ڕاگەهاند: کوالێتی ل فێرکرنا دێ خه‌لكێ فێری هه‌مى خاسله‌تێن كارامه‌یی پێشڤه‌به‌ت، هه‌ر دیسان گوت کوالێتی بناتێ دادپەروەریێ دجڤاكى دا دابین دكه‌ت و ب ئێك ژسه‌ره‌تایێن خزمەتگوزاری گشتیی دهێته‌ دانان. هەر گوتارا خودا، به‌حس ل چەندین لایەنێن دى یێن گرنگ یێن وۆرکشۆپێ هاته‌ كرن، هیڤى خواستن ل ده‌مێ دوو ڕۆژێن وۆرکشۆپێ دا ب هیرى دانوستاندنێ ل سەرجەم لایەنان بکەن، ب دانا پێشنیاز و ڕاسپاردیێن گونجاو بو وۆرکشۆپ دێ دوماهیك هێت .

هەر دڤه‌كرنا مەراسیمى وۆرکشۆپێ دا، هەرئێك لە مارسیلۆ سکالیسی رێڤه‌به‌رێ ڕێکخراوا (UNIMED)ى ئیتاڵى و، ماری پارێت، سەرۆکێ نڤێسینگه‌ها شاندێ ئێكه‌تیا ئەوروپا ل هەولێر (TBC) و، ئان کاثرین ژزانکۆیا پیسا، و پسپۆڕی بۆلۆنیا گوتار پێشکێشکرن، دپه‌یڤا خودا به‌حسێ لایه‌نێن جودا یێ وورك شوپێ كرن و گرنگیه‌كا مه‌زن بۆ پێشڤه‌به‌رنا خواندنا بلند ل کوردستانێ کر. بەرنامێ کارێ وۆرکشۆپێ دەستپێکر، دپانێڵێ ئێكێ دا (جێبەجێکرنا پرۆسەیا بۆلۆنیا و سیسته‌مێ ب رێڤه‌به‌رنا خوێندنا بلند ل کوردستانێ: بووچوون و پێشنیاز) ژلایێ د. محه‌مه‌د حسێن ئه‌حمه‌د سەرۆکێ دەزگەهێ سەرپەرشت و دڵنیا جۆری ل دیوانا وەزارەتێ و، د.جەوهەر فەتاح سەعید سەرۆکێ زانکۆیا سەڵاحەدین-هەولێر و نوێنەرێ سەرۆکێ زانکۆیا سلێمانى جودا بووچوون و پێشنیازێن خو ده‌رباره‌یی پڕۆسەیا بۆلۆنیا پرۆسیس به‌حسكرن .

پانێڵى دووێ یێ وۆرکشۆپێ یێ تایبەت بو (بو بهێزکرنا حوکمڕانی باش و خۆ ب رێڤه‌برن بو دامەزراویین زانکۆیێ ل بوارى ژمێریاری و به‌رپرسیاره‌تیا زانکۆیێ) ئەڤ پانێڵه‌ ژى ژلایێ سیلڤیا مارچیۆن، رێڤه‌به‌رێ ڕێکخراوا (UNIMED)ى ئیتاڵى، مارکۆ ئاباتێ ل زانکۆیا پیسا، سەڵاح ڕەزا سەعید سەرۆکێ زانکویا چەرمو، سۆمۆدیپ سەرکار ل زانکۆی ئیڤۆرا دانوستاندن ل سه‌ر ناڤ و نیشانێن پانێلێ هاته‌ كرن. وۆرکشۆپێ، ژلایێ وەزارەتا خواندنا بلند و ڤه‌كولینێن زانستى ب هه‌ڤكاری دگەڵ ڕێکخراوی (UNIMED)ی ئیتاڵی بۆ ده‌مێ دوو ڕۆژان دێ یا بەردەوام بێت و، (٨) هەشت زانکۆ ژ هەرێما کوردستانێ، و(٤) چوار زانکۆ ژبناڤ ده‌نگترین زانکۆیێن ئەوڕوپا بشداری كریه‌، ب ڕێكا چەندین پانێڵێن دى بەشدارێن كونفرانسێ دێ دانوستانێ ل سه‌رجه‌م لایه‌ن و ته‌وه‌ر و بابه‌تێن كونفرانسى کەن ودێ راسپارده‌ و پێشنیاز و بووچوونێن وان هێنه‌ بلند كرن بو وه‌زاره‌تا خواندنا بلند و ڤه‌كولینێن زانستى و كار دێ ل سه‌ر هێته‌ كرن..

© Copyright Duhok Polytechnic University (DPU) - All Rights Reserved

Website Admin: Sarbast Ali