پانێلەك لدوور زێدەبونا رێژەیێن توشبوویێن پەنجەشێرا مەمکی ل پارێزگەها دهوکێ هاتە برێڤەبرن


2021-11-24 12:48:19

 

ئەڤرو ٢٠٢١/١١/٢٣ ل هولا سەنتەرێ "وێ" ب بەرهەڤبونا جێگرێ پارێزگارێ دهوکێ ونوینەرێن زانکۆیا پۆلیتەکنیکى یا دهۆک و هژمارەکا نوشدارێن شارەزا د بوارێ بەرهنگاربوونا جورێن پەنجەشێرێ دا و چەند ئافرەتێن توشی پەنجەشێرا مەمکی بوین و ژێ قورتالبوین، پانێلەکێ گرنگ هاتە برێڤەبرن

(م. جادر عزیز ) رێڤەبەرێ تەندروستى و سلامەتى و (م. صبریە محمد على) رێڤەبەرێ سەنتەرێ جیندەرناسى ل سەرۆکاتیا زانکۆیا پۆلیتەکنکى یا دهۆک وەک نوینەرێن زانکۆیێ ئامادەى ئەڤى پانێلێ نوشدارێن تایبەتمەند بوون ئەوێ دبواری نافعاتى دا دەستپێکرى و تێدا چەند نوشداران باس ل هوکارێن زێدەبونا جورێن پەنجەشێرێ کر ب تایبەت پەنجەشێرا مەمکی یا ژنان و چارەسەریێن وێ کو ل پارێزگەها دهوکێ بەرە ب زێدەبونێ یە د پانێلیدا د.زەکی عەلی بەرواری، رێڤەبەرێ سەنتەرێ چارەسەرکرنا پەنجەشێرێ و نەخۆشیێن خوینێ ئامارێن توشبویێن هەمی جورێن پەنجەشێرا ژن و زەلان دیارکرن هەر ژ سالا ٢٠١٢ێ تا ٢٠٢١ێ ب ئەڤی ئاوایێ ٢٠١٢ێ هەمی جورێن پەنجەشێرا ژن و زەلامان ٤٤٣توش بوینە ژوان ١٠٤ ژن توشی پەنجەشێرا مەمکی بوینە، و ل  ٢٠١٣ێ هەمی جور ٤٨٨ ژوان ١١٤ ژن ب پەنجەشێرا مەمکی، و ل ٢٠١٤ێ هەمی جور ١١٠٦ ژوان ١٥٦ ژن ب پەنجەشێرا مەمکى و ل سالا ٢٠١٥ێ هەمی جور ١٠٥٢ ژوان ١٥٢ ژن، و ل سالا ٢٠١٦ێ هەمی جور ١٠٨٨ ژوان ١٥٣ ژن، و ل ٢٠١٧ێ هەمی جور ١١٠٣ ژوان ١٨٨ ژن، و ل ٢٠١٨ێ هەمی جور ١١٥٢ ژوان ١٩٢ ژن ، و ل ٢٠١٩ێ هەمی جور ١٣١٠ ژوان ٢٥٨ ژن، و ل سالا ٢٠٢٠ێ هەمی جور ٧٠٠ ژوان ١٢٩ ژن، و ل سالا  ٢٠٢١ێ هەمی جور ٦٧١ ژوان ١٥٢ ژن بوون ، هەروەسا چەند ئافرەتێن قورتالبویێن پەنجەشێرێ باس ل چیروکا رزگاربونا خوە کرن دوڤدا جێگرێ پارێزگارێ دهوکێ قورتالبوی خەلاتکرن و دەستخوشی ل لسەنتەرێ "وێ" و هەمی وان سازیان کر یێن ب ئەنجامدانا پەنەلی رابوین.

© Copyright Duhok Polytechnic University (DPU) - All Rights Reserved

Website Admin: Sarbast Ali