راگرێ په‌یمانگه‌هێ بخێرهاتنا قوتابیێن قوناغا ئێكێ كر و سالا نوو لێ پیروزكر
ئه‌ڤرو روژا چارشه‌مبى رێكه‌فتى 24/11/2021 ل هولا په‌یمانگه‌هێ د.هكار زكى راگرێ په‌یمانگه‌ها ته‌كنیكى یا ئامێدیێ و ماموستا بنار امین هاریكارێ راگرى، دگه‌ل قوتابیێن قوناغا ئێكێ یێن په‌یمانگه‌هێ كومبوون، پشتى بخێرهاتنێ سالا نوو یا خواندنێ ل هه‌مى قوتابیان پیروزكر.
د كومبوونێ دا راگرێ په‌یمانگه‌هێ به‌حسا شێواز و رێنمایێن خواندنێ ل په‌یمانگه‌هێ بو قوتابیان كر و خواست هه‌مى قوتابى پابه‌ندى رێنمایێن خواندنێ و رێزگرتنا ماموستایان و پاقژیا ناڤا په‌یمانگه‌هێ بن. هه‌روه‌سا به‌حسا به‌شێن ناڤخویى ژى كر و دا دیاركرن كو پێدڤیه قوتابیێن به‌شێن ناڤخویی پێگیرى رێنمایێن به‌شێن ناڤخویی بن. ل دوماهیێ ژى به‌حسا پێگیریكرن ب رێنمایێن ته‌ندروستى كر و ژ قوتابیان خواست ڤاكسینێ وه‌رگرن و خو و مالباتا خو بپارێزن، ئاماژه ب وێ یه‌كێ ژى كر كو ل حه‌فتیا بهێت ب هه‌ڤكارى دگه‌ل ته‌ندروستیا ئامێدیێ دێ ل ناڤا په‌یمانگه‌هێ بنگه‌هه‌كێ ڤاكسین دانانێ بو قوتابیێن په‌یمانگه‌هێ دانن.
هاریكارێ راگرى ژى به‌حسا پێگیریا قوتابیان ب ده‌وامێ و هه‌لگرتنا باجێ د ناڤ ئاڤاهیێ په‌یمانگه‌هێ دا كر و ژ قوتابیان خواست ژى پێگیرى رێنمایێن ته‌ندروستیێ بن و خو بپارێزن.
دووباره بخێرهاتنا قوتابیان كر و سالا نوى ل هه‌میان پیروزكر
راگه‌هاندنا په‌یمانگه‌هێ