وەزارەتا خواندنا بلند ڕێککەفتنامەیەک دگەل زانکۆیا کامبریج یا بریتانى ئیمزا کڕ


2021-11-23 10:07:42

وەزارەتا خواندنا بلند ڕێککەفتنامەیەک دگەل زانکۆیا کامبریج یا بریتانى ئیمزا کڕ

ب ئامادەبونا ھەر ئێک ژ د. ئارام محەمەد قادر وەزیرێ خواندنا بلند و ڤەکولینێن زانستی و د. چارلس کلارک وەزیرێ بەرێ یێ پەروەردا بەریتانیا و ئەندامێ بلندێ بۆردێ ئەمیندارێ زانکۆیا کامبریج و ژمارەیەکا سەرۆک زانکۆیێن کوردستان و ڕاوێژکارو رێڤەبەرێن گشتى، وەزارەتا خواندنا بلند و ڤەکولینێن زانستی و زانکۆیا کامبریج یا بریتانى ڕێککەفتنامەیەک دبوارێ زمانێ ئینگلیزی دا ئیمزا کڕ.

ئەڤرۆ روژا سێ شەمبی ڕێکەفتى (٢٣/١١/٢٠٢١) وەزارەتا خواندنا بلند و زانکۆیا کامبریج یا بریتانى ب رێکا ئونلاین کومبون ودئەڤێ کومبونێ دا رێورەسمێن ئێمزا کرنا رێکەفتنامێ دنافبەرا نوینەرێن ھەر دوو لایان دا ھاتنە برێڤەبرن  پشتی چەند پەیڤەک ژلایێ د. محەمەد حسێن سەرۆکى لێژنا بلند یێ سەرپەریشتیکرنا سەنتەرێن زمانێ ئینگلیزى ل زانکۆیێن هەرێما کوردستان و سەرۆکێ دەزگەھێ سەرپەرشتێ دڵنیا جۆرى ڤە ھاتینە خواندن کو دگڕێدای بون ب تەوەر و خالێن ئەڤێ رێکەفتنامێ ڤە مینا وێ چەندێ کۆ زانکۆیا کامبرێج هەڵسەنگاندنێ بۆ سەنتەرێن زمانێ ل زانکۆیێن کوردستان بکەت و ستافى زانستى یێن سەنتەرێن زمانی ل کوردستانێ ژلایێ تیمەکا بسپۆڕ و شارەزا یێن زانکۆیا کامبریج ڤە بھێنە راھێناندان، و هەڵسەنگاندنا شێوازێ ئەزمونێن پشکدارێن خولێن سەنتەرێن زمانی بکەن.

ژلایێ خۆ ڤە د. چارلس کلارک وەزیرێ بەرێ یێ پەروەردا بەریتانیا، کو دهەمان دەمدا ئەندامێ بۆردێ ڕاوێژکارى یێ زانکۆیا کامبریجە پەیڤا زانکۆیا کامبریج پێشکێشکر، و بەحسێ پێنگاڤێن ئیمزاکرنا ڕێککەفتنامێ ھاتە کڕ و گرنگیا پەیوەندیێن زانستى دنافبەرا وەزارەتێ و زانکۆیا کامبرێج بەرز نرخاند گوت : "هەڤپشکی دگەڵ وەزارەتا خواندنا بلند کارەکێ پری ئارمانجێن نێڤدەولەتی یە بو زانکۆیا کامبرێج"

ئەف ڕێککەفتنامە ژچەندین تەوەر و خاڵێن گرنگ پێک دھێتن کو زانکۆیا کامبریج دێ هەڵسەنگاندنەکا ھویر بۆ لایەنێن جودا جودا یێن سەنتەرێن زمانی کەت بۆ دیارکرنا ئاستێ زانستى و دەستنیشانکرنا خاڵێن لاواز یێ سەنتەرا، و پشتی ڤەدگەرن دێ ڕاپۆرتەکا تیروتەسەل پێشکەشی وەزارەتا خواندنا بلند کەن ب مەرەما کارکرنا ل سەر ئەوان خالێن لاواز بۆ بھێزنێ. تەوەرەکی دی یێ ڤێ رێککەفتنامێ یێ تەرخانکری بۆ کو ستافێ سەنتەرێ زمان ژلایێ گوتنا وانەیان پروگرامێن خواندنێ ڤە بھێنە راھێنان دان ژبو بەرزکرنا کوالیتیا خواندنێ ب وی رەنگی کو باوەرنامێن ھەڤپشک ب پشکداران بھێنە بەخشین

و تەوەرێ دووماھیێ یێ دەستنیشانکری بۆ ژبو ئەوان گوھرینێن د شێوازێ ئەزمونان دا دھێتەکرن

© Copyright Duhok Polytechnic University (DPU) - All Rights Reserved

Website Admin: Sarbast Ali