ئاھەنگا دەرچوونا قوتابیێن ھەردوو گەرێن (٨-٩)ـێ یێن زانکۆیا پۆلیتەکنیکی یا دھۆك و گەرێن (١٧-١٨) یێن پەیمانگەھا تەکنیکی زاخۆ و گەرێن (١-٢) یێن کولیژا تەکنیکی زاخۆ ھاتە ئەنجام دان.
ل ژێر درۆشمێ (زانست شەنگستێ وه‌ڵاتى یه)و لژێر چاڤدێریا رێزدار (پ.هـ.د.ئاری عادل) سەروکا زانکویا پۆلیتەکنیکی یا دهوکێ ئاهەنگا ده‌رچوونێ یا قوتابیێن په‌يمانگه‌ها ته‌كنيكی زاخۆ گەرێن (١٧-١٨)ـێ و کولیژا تەکنیکی زاخۆ گەرێن(١-٢)ـێ يا هەردوو سالێن دەرچوونێ (٢٠١٩-٢٠٢٠) و (٢٠٢٠-٢٠٢١) هاتە گێران.
ل رۆژا ئێکشه‌مبێ رێكه‌فتی (٢٠٢١/١١/١٤)ـێ و ب ئاماده‌بوونا به‌رێزان (پ.هـ.د.ئاری عادل) سه‌رۆكا زانكۆيا پولیتەکنیکی یا دهوکێ و سەرپەرشتێ ئیدارا سەربەخویا زاخۆ و دەڤەردارێ زاخۆ و به‌رپرسێ لقا ھەشت یا پارتى و چه‌ندين رێڤه‌به‌رو به‌رپرسێن دام و ده‌زگه‌هێن ميری و حزبی و مامۆستا و کەس و کارێن قوتابیان ئاهه‌نگا ده‌رچوونا قوتابیان ل یاریگەھا دەلال ل زاخۆ هاته گێران.
دڤێ گەرێ دا (٢٠٢٨) قوتابی دەرچوون ژ ھەشت پشکێن زانستی یێن کولیژ و په‌یمانگه‌هێ پێکدھێن(پشکا جیۆلۆجی پەترول ، کارگێری کار، کارگێری گومرک، تەکنولۆجیا تاقیگەهێن نۆژداری، نەخوشەڤانی ،پەترول، تەکنولوجیا زانیاریان (ئایتی)، چاندنا پاراستی) یێن(سپێدھیان و ئێڤارن)دەرچوون و تەڤلی کاروانێ خزمەت و ئاڤاکرن و پێشڤەبرن و ڤەژاندنا کوردستانێ بوون.
د رێورەسمێن ئاهەنگا دەرچوونێ دا پشتی ده‌قه‌كا رێزگرتنێ ل گیانێ پاکێ شه‌هیدان و خۆاندنا چه‌ند ئایه‌ته‌كان ژ قورئانا پیرۆز ، بەرێز(د. عبدالحکیم عثمان محمد)راگرێ کۆلیژ و پەیمانگەھا تەکنیکی زاخۆ ،د پەیڤەکێ دا بخێرهاتنا ئاماده‌بوویان كر و پیرۆزباهیا سەرۆکا نوى یا زانکۆیێ کڕ و لدیڤ دا داخواز ژ سەرۆکا زانکۆیێ کر ژبو پێشکێشکرنا پەیڤەکێ، ژلایێ خوڤە ژى سەرۆکا زانكۆیا پۆلیتەکنیکى یا دهۆك (پ. ھ. د. ئاری عادل) د پەیڤەكی دا بخێر هاتنا ئامادەبویان کڕ و پیروزباهیا قوتابیێن دەرچووی کر.
ل دیڤ دا خەلاتەکێ رێزلێنانێ ژلایێ سەرۆکا زانكۆیا پۆلیتەکنیکى یا دهۆك راگرێ بەرێ یێ کۆلیژ و پەیمانگەھا تەکنیکی یا زاخۆ بەرێز (پ.د.طە زبیر سرحان) ھاتە دان.ل ھەمبەر کار و خزمەتا جەنابێ وی ئەوا د دەمێ بوریی دا پێشکێشی کۆلیژ و پەیمانگەھا تەکنیکی یا زاخۆ کری، پاشان باوەرنامە ژ لایێ (پ.ھ.د. ئاری عادل) سەرۆاکا زانکۆیێ ب قوتابیێن دەرچووی ھاتە بەخشین.
ھەروەسا ژی پشتی باوەرنامە ب قوتابیان ھاتینە بەخشین ب چەند یاریەکێن ئاگری دوماھی ب رێورەسمێن ئاھەنگا دەرچوونا ھەردوو گەرێن (١٧-١٨)ـێ ل پەیمانگەھا تەکنیکی زاخۆ و گەرێن (١-٢)ـێ یێن کولیژا تەکنیکی زاخۆ ھات.
ل دووماهیا رێورەسمان ژی سویندا پشکێن پزیشکى و یێن گشتى ژلایێ بەرێز( م. نشوان محمد صالح ) هاریکارێ راگرێ کۆلیژ و پەیمانگەها تەکنیکى زاخۆ ڤە هاتە خواندن و رێورەسمێن داخوازکرنا پێدانا باوەرنامێن بکالوریوس و دبلوما تەکنیکى.
ل دوماھیێ بناڤێ راگرییا کۆلیژ و پەیمانگەهێ سوپاسیێن بێ پایان ل ليژنا سه‌رپه‌رشت و وان هەموو مامۆستاو فه‌رمانبه‌رێن کۆلیژ پەیمانگەهێ و لژنا قوتابیان کر و هاریکار بوونە دگەل مەدا و برێڤەبرنا ڤێ ئاهەنگێ ب باشترین شێوە. هەروەسا سوپاس بۆ ،دەزگایێن ئەمنی ، سوپاس بۆ كه‌نالێن راگه‌هاندنێ كو رومالا ئاهه‌نگێ كرین، هەروەسا بناڤێ راگرىیا کۆلیژ و په‌يمانگه‌ها ته‌كنيكی یا زاخۆ پيروزباهيێ و دەستخۆشی ل هه‌مى قوتابيێن ده‌رچوويی دکەین و داخازا سه‌ركه‌فتنێ بۆ هەموویان دخازين هەر سەرکەفتیبن.
راگەھاندنا پەیمانگەھا تەکنیکی زاخۆ