615 قوتابیێن پەیمانگەها تەکنیکی بەردەرەش دەرچوون


615 قوتابیێن پەیمانگەها تەکنیکی بەردەرەش دەرچوون

 

لژێر چاڤدێریا رێزدار (پ. ھ. د. ئاری عادل) سەرۆکا زانکۆیا پۆلیتەکنیکی یا دهۆک، گەرا هەشتێ و نەهێ یا ئاهەنگا دەرچوونا قۆتابیێن زانکۆیا پۆلیتەکنیکی یا دهۆکێ و گەرا (١٠و ١١)ێ یا دەرچوویێن پەیمانگەها تەکنیکی بەردەرەش لژێر دروشمێ (زانست شەنگستێ وەلاتی یە) ل یاریگەها بەردەرەش یا وەرزشى هاتە گێران.

 

ئەڤرو روژا دوو شەمبى رێکەفتى ٢٠٢١/١١/١٥ و ل دەمژمێر ١٠:٠٠ سپێدێ و د رێورەسمەکێ ژ هەژى دا و ب ئامادەبوونا دەڤەردارێ قەزا بەردەرەش و چەندین رێڤەبەر و بەرپرسێن دام و دەزگەهێن حکومى و حزبى و هژمارەکا کەسایەتى و ریهـ سپى و ماقیلێن بەردەرەش و خێزانێن قوتابیى و دەرچوویان، ئاهەنگا گەرا (١٠و ١١)ێ بۆ ٦١٥دەرچوویێن پشکێن خواندنێ (كارگێری كار، ته‌كنه‌لۆجیای زانیاری (IT)، نه‌خۆشه‌ڤانی، ژمێریاری، تۆره‌كانی كۆمپیوته‌ر (نێتوۆرك)، كارگێری ته‌ندروستی) یێن خۆاندنا سپێدە و ئێڤاران بۆ سالێن خواندنێ (٢٠١٩ – ٢٠٢٠) و(٢٠٢٠ – ٢٠٢١) هاتە برێڤەبرن

پشتى رێز ل گیانێ شەهیدان هاتیە گرتن و چەند ئایەتێن قورئانا پێروز هاتینە خواندن،

راگرێ پەیمانگەها تەکنیکى بەردەرەش (د. سمیر محو) د پەیڤەکێ دا پیروزباهیا قوتابیان کر و سوپاسیا لایەنێن ئامادەبووین کر، و داخواز ژ سەرۆکا زانکۆیێ کر ژبو پێشکێشکرنا پەیڤەکێ، و ژلایێ خوڤە (پ. ھ. د. ئاری عادل) سەرۆکا زانكۆیا پۆلیتەکنیکى یا دهۆك د پەیڤەكی دا بخێر هاتنا ئامادەبویان کڕ و پیروزباهیا قوتابیێن دەرچووی کر، و رولێ زانکویێ ژلایێ ڤەکۆلینێن زانستى و خورتکرنا پەیوەندیان و بازارێ کارى ڤە دیار کر،
ل دووماهیا رێورەسمان سویندا گشتى و یا پشکێن پزیشکى ژلایێ هاریکارێ راگرێ ڤە هاتە خواندن و رێورەسمێن داخوازکرنا پێدانا باوەرنامێن دبلوما تەکنیکى برگا دووماهیێ‌ بوو كو (د. سمیر محو) راگرێ پەیمانگەها تەکنیکى بەردەرەش داخواز ژ (پ. ھ. د. ئاری عادل) سەرۆكا زانكۆیێ‌ كرى باوەرنامێن دبلوما تەکنیکى پێشكێشی دەرچوویان بكەت و سەرۆكا‌ زانكۆیێ‌ ژی هەر ئێک و لدویف بسپوریا وى باوەرنامە پێ بەخشى.

 

© Copyright Duhok Polytechnic University (DPU) - All Rights Reserved

Website Admin: Sarbast Ali